Bu gün Cənubi Qafqaz Boru Kəməri Şirkəti və Şahdəniz konsorsiumu Cənubi Qafqaz Boru Kəmərinin Genişləndirilməsi (SCPX) layihəsi üçün daha bir əsas müqavilənin imzalandığını elan edib. Bu müqavilə boru kəmərinin tikintisi işləri üzrədir.
Boru kəmərinin Azərbaycan və Gürcüstan hissələrinin tikintisi üçün müqavilə Saipem/Azfen şirkətinə verilib. Bu, “Saipem Contracting Netherlands BV” və “Azfen BM” şirkətlərinin birgə müəssisəsidir.
Bu müqavilə üzrə görüləcək işlər bunlardır:
Azərbaycan və Gürcüstanda 428 km uzunluğunda boru kəməri (bunun 365 km-i Azərbaycan ərazisində) və əlaqədar yerüstü qurğuların, o cümlədən bağlayıcı siyirtmələrin, ərsinləmə obyektinin və birləşdirici qovşaqların tikintisi.
Gürcüstanda 59 km uzunluğunda daha bir boru kəməri hissəsinin və bununla bağlı yerüstü qurğuların tikintisi (bu kəmər birinci və ikinci nasos-kompressor stansiyaları arasında çəkiləcək – red.).
Bu müqavilənin dəyəri 735 milyon dollar təşkil edir və o, SCPX -nin tikintisi işlərinin başlanmasına doğru mühüm bir addımdır. İşlərin 2015-ci ilin yanvar ayında başlanması planlaşdırılır. Boru kəmərinin Gürcüstan hissəsinin mexaniki tamamlanması 2016-cı ilin sonuna qədər və Azərbaycan hissəsində isə 2017-ci ilin sonunadək başa çatdırılacağı gözlənilir.
Bundan əvvəl isə ümumilikdə 14 müqavilə elan edilmişdi və bunlar da Şahdəniz Mərhələ 2 layihəsinin qrafik üzrə irəliləyişinin göstəricisidir. Əsas müqavilələrin əksəriyyəti artıq bağlandığından Bakıdakı tikinti sahələrində işlər başlanmışdır.
BP şirkətinin Azərbaycan, Gürcüstan və Türkiyə üzrə regional prezidenti cənab Qordon Birrell deyir: “İndi artıq biz boru kəmərinin genişləndirilməsi və bununla bağlı yerüstü qurğuların tikintisi üçün Azərbaycanda və Gürcüstanda aparılacaq işlər üzrə müqavilələrin əksəriyyətini imzalamışıq. Məmnuniyyətlə vurğulamaq istəyirəm ki, tikintinin əksər hissəsi Azərbaycanda və Gürcüstanda yerli şəraitdə həyata keçiriləcəyindən hər iki ölkəyə xeyir gətirəcək. Bu, böyük irəliləyişdir.
Biz məmnunuq ki, həm Şahdəniz Mərhələ 2, həm də CQBKG layihəsi bütün sahələrdə irəliləməkdədir. Tikinti sahələrində dayaq blokları və üst modullar üzrə işlər, habelə terminalın genişləndirilməsi üzrə işlər artıq başlanıb. Dənizdə isə “İstiqlal” və “Heydər Əliyev" adına qazma qurğularından istifadə etməklə qazma işləri uğurla davam edir. 2018-ci ilin sonlarında ilk qazın əldə edilməsinə hazırlıq yönümündə artıq beş hasilat quyusu qazılıb.”—12С--
İqtisadiyyat
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
-
Qlobal dizel yanacaq qiymətləri və emal marjaları, ABŞ-ın Rusiya neft ticarətinə qarşı tətbiq etdiyi ən son sanksiyaların ardından kəskin artıb. Bu addım, təklifin azalacağı gözləntiləri ilə bazarlarda dalğalanmalara səbəb olub, analitiklər və LSEG məlumatları bunu təsdiq edir.
Rəy yaz