Səhər çağı bakılılar yenidən nəqliyyat sürprizləri ilə üzləşib

Bu gündən Bakıda 88 və 37 nömrəli iki avtobus marşrutunun hərəkəti qısaldılıb. Bu barədə Bakıda Nəqliyyatın İntellektual İdarəetmə İdarəsindən (Nİİİ) məlumat verilib.

Mərkızin məlumatına görə, əgər 88 saylı marşrut avtobusu əvvəl Azadlıq prospektindən 20-ci sahə istiqamətində hərəkət edirdisə, oktyabrın 6-dan etibarən isə Azadlıq prospektindən 28 May metrostansiyasına kimi fəaliyyət göstərəcək. 37 saylı marşrut avtobusu əvvəllər Avtovağzal- İçərişəhər m/s – 20-ci sahə istiqamətində fəaliyyət göstərirdisə, indi Avtovağzaldan İçərişəhər m/s-na kimi hərəkət edəcək. 

Nİİİ bu dəyişiklikləri bu gündən “Baku Bus” MMC-nin  6 və 8 saylı marşrut avtobuslarının fəaliyyətə başlaması ilə izah edir.

13 saylı marşrut avtobusu isə fəaliyyətini dayandırıb. İndi bu marşrut xəttini Baku Bus MMC-yə məxsus 6 saylı marşrut avtobusu əvəz edib.

Qeyd edək ki, indiyə qədər dövlətə məxsus “Bakubus”MMC  avtobuslar daha 3 marşrut üzrə fəaliyyət göstərirdi -  (1, 5 və H1).

Bir qayda olaraq Nəqliyyat Nazirliyi şəhər sərnişin nəqliyyatında yenilik barədə onu tətbiq etməzdən bir gün əvvəl elan edir, bəzənsə heç xəbərdarlıq da etmir.08D