Sığorta lideri ilə iddiaçı arasında fərq azalır

Yanvar-avqustda yerli bazarda mükafat və ödənişlər barədə məlumatlar açıqlanıb. 

Azərbaycanın sığorta bazarı hesabat dövründə 228 mln 872,6 min manat mükafat yığıb. Bu, bütün ötən ilkindən 16 mln manat çoxdur. Cəmi 58 mln 873,05 min manat sığorta ödənişi edilib. Bu, ötən ilin 1 sentyabr göstəricisindən 38,4% çoxdur və ilin yekun göstəricisinə yaxındır (- 2,7 mln). 

Proqnozlaşdırıldığı kimi, "Paşa Sığorta" 7 ayda liderliyi əldən verməyib və 30 mln 440,95 min manat və ya bütün mükafatların 13,3%-i yığıb. Bunun 23 mln-u ARDNŞ ilə KTS üzrə müqavilə sayəsində olub. Müqayisə üçün deyək ki, ötən ilin 1 sentyabrı üçün o, 5,25 mln toplamışdı və 12-ci idi. Hətta həyat sığortası üzrə ixtisaslaşan törəməsindən də geri qalırdı. 

İkinci yerdə "AzSığorta" şirkətidir. O, 25 mln 744,9 min manat mükafat toplayıb. Bu, ötən ilin eyni dövründəkindən 2 dəfə çoxdur. Yanvarda liderlə iddiaçı arasında fərq 19 mln manat idisə, indi 4,7 mln-dur. 

Ekspertlər ilin əvvəlində "Atəşgah"a 3-cü yer vəd edirdilər. Şirkət 23 mln 840,26 min manta nəticə ilə etimadı doğruldub. Üçlük mükafatların 35%-i yığıb. 

"AzərSığorta" üçlüyə yaxınlaşmağa çalışır. Onun arsenalında dövlət başçısının ona verdiyi icbari növlər var. Hesabat dövründə şirkət 21 mln 776,84 min manat toplayıb. Bu, ötən ilin “çempion” göstəricisindən 4 mln çoxdur. 

"Standard Insurance" (14 mln 631,14 min) beşinci yerdədir. 

Həyat sığortası üzrə ən yaxşı şirkət olan "Atəşgah Həyat" əsasən korporativ müqavilələrlə 13 mln 086,14 min manat toplayıb. 

АХА MBASK yeddinci yerdədir və 12 mln 344,25 min mükafatın çoxu avtomobillərin КАСКО sığortası və avtonəqliyyat vasitələri sahiblərinin mülki məsuliyyətinin sığortası üzrədir. 

"Paşa həyat Sığorta" (10 mln 279,25 min) səkkizinci yerdə qərar tutub. 

Beynəlxalq Sığorta Şirkəti (10 mln 250,42 min manat) doqquzuncu yerə düşüb. Bu şirkətin ötən ilin eyni dövründəki göstəricisi 2 mln manat az, turnir vəziyyəti iki mövqe yüksək idi. 

Xalq Sığorta 8 mln 732,489 min manat toplayıb və son 5 ildə ikinci dəfə onluğu qapayıb. 

Ödənişlər üzrə lider "AzərSığorta" 7 mln 704,43 min kompensasiya edib. Ardınca bunlar gəlir: "Atəşgah" (5 mln 547,1 min), BSŞ (4 mln 462,34 min), "AXA Mbask" (3 mln 684,57 min), A-Qroup (3 mln 618,81 min), Standard Insurance (2 mln 764,32 min), "AzSığorta" (1 mln 825,23 min manat) və "İpək Yolu Sığorta" (1 mln 762,3 min) 

* Bütün göstəricilər Dövlət Sığorta Nəzarəti Xidmətinə istinadən verilir. --17D-

 

Rəy yaz

İqtisadiyyat

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti