![Şirkətlərdə payçıların hüquqları genişlənir](https://turan.az/resized/media/2014/main/052600079620-750-500-resize.webp)
Şirkətlərdə payçıların hüquqları genişlənir
İqtisadiyyat və Sənaye Nazirliyi Mülki Məcəlləyə dəyişiklik edilməsinə dair qanunla layihəsi hazırlayıb. Dəyişikliklərə əsasən, məhdud məsuliyyətli cəmiyyətlərdə payçıların və səhmdar cəmiyyətlərdə səhmdarların hüquqları genişlənir.
Elektron hökumətin portalında (
Mülki Məcəlləyə (91-4, 107-12 m.) nəzərdə tutulan əlavələrə əsasən, şirkətlə əlaqəli aktivlərinin 5 faiz və daha çox hissəsini təşkil edən əqdlərin aidiyyəti şəxslərlə razılaşmaların əldə edilməsi audit rəyi ilə birgə mülkiyyətçilərin müzakirəsinə təqdim edilməlidir.
Qərarı sadə səs çoxluğu ilə qəbul edilir. Bu zaman müqavilə tərəfi - şirkətlə əlaqəli şəxs səsvermədə iştirak edə bilməz. Səhmdar cəmiyyətlərdə səsvermədə həmçinin Müşahidə Şurası yaxud idarə heyətinin üzvləri də iştirak etmir.
Şirkətlə əlaqəli şəxslər cəmiyyət Müşahidə Şurası yaxud idarə heyətini yazılı formada korporativ razılaşmaya marağının xarakteri barədə xəbərdar etməlidir.
Qanun layihəsi Ədliyyə Nazirliyi və Qiymətli Kağızlar üzrə Dövlət Komitəsi ilə razılaşdırılıb və iyunun 22-ə qədər ictimaiyyətin müzakirəsinə verilib.
Azərbaycanda şirkətin aktivlərinin onun sahibkarları tərəfindən icarə müqaviləsi əsasında istifadə edilməsi təcrübəsi geniş yayılıb. Əksər hallarda bu müqavilələr cəmiyyətin idarə heyəti səviyyəsində səhmdarın mövqeyi nəzərə alınmadan bağlanır. Buna misal kimi “Bakelektroqaynaq” ASC-nin aktivlərinin 99%-nin (“Baku Steel Company” MMC), “Ə. Ansuxski adına Balakən Konserv Zavodu” 85%-nin (“Balacans” MMC), “Bakı Ayaqqabı-2” (“Xalq Bank” ASC və “Azerfon” MMC) və s. sahibkara icarəyə verilməsidir.
Mütəxəssislər hesab edir ki, şirkətlə əlaqəli şəxslərlə razılaşmaların ümumi iclasda təsdiqlənməsi hüququ təkcə imzalanmış müqavilənin məbləğinə deyil, həm də təqdim edilən aktivlərin həcminə aid edilməlidir.
Bəzi hallarda maraqlı tərəflər bu boşluqdan istifadə edərək aktivlərin dəyərindən aşağı müqavillər imzalamağa cəhd edir, bu da sui-istifadələrə gətirib çıxarır. Buna bariz nümunə kimi 2006-cı ildən “Bakelektroqaynaq” ASC ilə “Baku Steel Company” MMC arasında mövcud olan icarə müqaviləsini göstərmək olar. Səhmdar cəmiyyətin 20 mln manat dəyərində qiymətləndirilən bütün aktivləri ildə 300 min manat həcmində icarəyə verilib. Bu SC-nin amortizasiya ayırmalarının xərclərini ödəmir. Hazırda Vergilər Nazirliyi bu faktı araşdırır. 08B
-
- İqtisadiyyat
- 26 May 2014 12:52
-
- İqtisadiyyat
- 26 May 2014 13:03
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz