SOCAR hələ Azəri-Çıraq-Dərinsulu Günəşli bloku üzrə yeni sazişin imzalanma müddəti barədə qərara gəlməyib, deyə SOCAR prezidenti Rövnəq Abdullayev bildirib.
“Bu məsələ üzrə danışıqlar başa çatıb. Təkliflərimizi AÇG üzrə tərəfdaşlara təqdim etdik. İndi onlar yekun təkliflərini hazırlayıb bizə təqdim etməlidir. Tərəfdaşlar razı olsa, saziş imzalana bilər”, – deyə o qeyd edib.
Onun sözlərinə görə, söhbət AÇG üzrə mövcud sazişin uzadılmasından yox, uzun müddətə və yeni şərtlərlə PSA saziş bağlanmasından gedir.
Əvvəllər Rövnəq Abdullayevə istinadən bildirilmişdi ki, SOCAR 2016-cı ilin iyununda sazişin bağlanacağına inanır.
* AÇG üzrə saziş 20 sentyabr 1994-cü ildə imzalanıb. İştirakçılar bunlardır: BP (35,78%- operator), Chevron (11,27%), ExxonMobil (8%), ONGC (2,72%), SOCAR (11,65%), Inpex Corp. (10,96%), ITOCHU Oil (4,3%), Statoil (8,56%), TPAO (6,75%).—12В-
İqtisadiyyat
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
-
Azərbaycan Dövlət Neft Şirkəti (SOCAR) beynəlxalq miqyasda üst axın (upstream) əməliyyatlarını genişləndirərək, qlobal portfelində strateji dəyişiklik həyata keçirir. Şirkətin İsrailin Tamar qaz yatağında 10%-lik və Abu-Dabidəki SARB və Umm Lulu dəniz neft layihələrində 3%-lik pay əldə etməsi, SOCAR-ın Azərbaycan sərhədlərindən kənardakı ambisiyalarının artdığını göstərir.
-
BP 2025-ci ildə Azəri-Çıraq-Günəşli (AÇG) yatağında 19 quyu qazmağı planlaşdırır və bununla da 2024-cü ildəki qazma fəaliyyətini eyni səviyyədə saxlayacaq. Bu barədə çərşənbə axşamı şirkətin yüksək vəzifəli nümayəndəsi məlumat verib.
-
Beynəlxalq Buruqçular Podratçılar Assosiasiyası (IADC) çərşənbə axşamı Bakıda illik "IADC Drilling Caspian" konfransına start verdi. Sənaye liderlərini bir araya gətirən tədbir neft və qaz yataqlarının qazılması sahəsində yeniliklər, eləcə də geotermal enerjinin artan rolu mövzusunda müzakirələrə həsr olunub.
Rəy yaz