İranla "altılıq" ölkələrinin razılığa gəlməsinin bizim üçün çoxlu müsbət əlamətləri var. İranla əməkdaşlıq variantlarına baxırıq, deyə Azərbaycan Dövlət Neft Şirkətinin (SOCAR) prezidenti Rövnəq Abdullayev ANS-ə müsahibəsində deyib.
Onun sözlərinə görə, İranla Azərbaycan arasındakı münasibətlər hər zaman yüksək səviyyədə olub: "Hələ "altılıq" ölkələrinin razılığa gəlməsindən öncə, yəni ötən ay mənim İrana çox uğurlu səfərim oldu. İranın neft naziri cənab Bijən Namdar Zəngənə ilə görüşlərimiz oldu. Birgə iş birliyi haqqında müzakirələr oldu. Artıq bizim bununla bağlı müəyyən layihələrimiz var".
Abdullayev deyib ki, SOCAR-ın Türkiyə bazarında əsas sərmayədardır. "Ölkə prezidentinin başçılığı ilə SOCAR Türkiyədə ən böyük sərmayədardır. Bu niyə İranda da olmasın? Azərbaycan İrana investisiya qoymaqda maraqlıdır. Düşünürəm ki, biz İran layihələrində aktiv iştirak edəcəyik”. Abdullayev deyib ki, SOCAR-ın orda həm investisiya layihələri həyata keçirmək, həm də operatorluq etmək üçün müəyyən layihələri var.
SOCAR prezidenti deyib ki, İran tərəfi Azərbaycan qaz anbarlarının imkanlarından istifadə etmək istəyir. Həmçinin Azərbaycandan kommersiya qazı almaq istəyir
Qeyd edək ki, bir neçə ildir, SOCAR-ın Tehranda təmsilçiliyi var. -–2D—
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz