Azərbaycan Dövlət Neft Şirkəti Transanadolu qaz kəməri layihəsində (TANAP) payının bir hissəsini kiminlə böləcəyini müəyyən edib. SOCAR prezidenti Rövnəq Abdullayevin mətbuat üçün bugünki bəyanatına əsasən, “Şahdəniz” layihəsinin iştirakçıları – Britaniyanın BP, Norveçin Statoil və Fransanın Total şirkətləri rəsmi olaraq TANAP layihəsində iştirak məqsədilə Dövlət Neft Şirkətinə müraciət ediblər.
Abdullayevin sözlərinə görə, SOCAR hazırki 80% payının 51%-ni özündə saxlamağı planlaşdırır. Lakin SOCAR rəhbəri 29% paketin şirkətlər arasında necə bölünəcəyini və hər-hansı şirkətin ümumiyyətlə TANAP Co boru kəməri şirkətinə daxil ola bilməyəcəyi ehtimalının olub-olmadığını dəqiqləşdirməyib.
Hər üç şirkətin SOCAR-ın “Şahdəniz” layihəsi üzrə əsas partnyorları olduğunu, habelə SOCAR-ın onlarla birlikdə Azərbaycan qazının ixrac qrupuna daxil olduğunu nəzərə alsaq, çox güman ki, BP, Statoil və Total TANAP Co-nun təsisçiləri sırasına daxil olacaq.
Uzunluğu 1700 km-dən çox olan boru kəmərinin buraxılış qabiliyyəti ilk mərhələdə 16 mlrd. kubmetr, daha sonra isə 22 mlrd. kubmetr təşkil edəcək. Boru kəmərinin tikintisinə 2014-cü ilin üçüncü rübündə başlanacaq və 36 ay sonra başa çatacaq. Layihənin ilkin dəyəri 8 mlrd. avrodur. -12С-
İqtisadiyyat
-
2024-cü il arxada qalıb. Azərbaycan özünü bir yolayrıcında tapır — dünya iqtisadiyyatının bəzi sektorlarında əhəmiyyətli yer tutaraq, lakin daha geniş sosial-iqtisadi inkişafına mane olan problemlərlə mübarizəni davam etdirir. Enerji daşıyıcılarının ixracından logistik dəhlizlərə qədər ölkə öz nişini tapıb, lakin sosial-iqtisadi strukturundakı çatlar getdikcə daha çətin nəzərdən qaçırılır. Gəlin rəqəmlərə nəzər salaq və ekspertlərin Azərbaycanın qlobal mövqeyi barədə fikirlərinə qulaq asaq.
-
Azərbaycan yeni ilə qaz, elektrik enerjisi, su və dərman tariflərinin əhəmiyyətli dərəcədə artması ilə başladı, bu da vətəndaşlar arasında ev təsərrüfatlarına maliyyə yükü ilə bağlı geniş narahatlıq yaratdı. Rəsmilər bu tədbirləri iqtisadi dayanıqlılıq üçün zəruri hesab etsələr də, tənqidçilər durğun əməkhaqqı və pensiyalarla bağlı problemlər barədə xəbərdarlıq edirlər.
-
1 yanvar tarixindən etibarən Avropa Rus qazının Ukrayna vasitəsilə müqavilə əsasında nəqlini dayandırıb. Kiyev, “təcavüzkar ölkənin” qazının öz ərazisindən keçidi ilə bağlı müqavilələri uzatmayacağını bəyan etdi. Bu qərar, Ukraynada müharibədən əvvəl qitənin qaz idxalının təxminən 50%-ni təşkil edən Rusiya enerjisindən asılılığını azaltmaqda Avropanın səyləri üçün mühüm bir mərhələni ifadə edir.
-
Tarif Şurası qeydiyyata alınmış dərman vasitələrinin topdan və pərakəndə satış üzrə maksimum qiymətlərinin tənzimlənməsinə dair qərar qəbul edib. Yeni qiymət məhdudiyyətləri 2 yanvar 2025-ci ildən qüvvəyə minir.
Rəy yaz