SOCAR və Rumıniyanın "Transqaz" şirkəti iyulun 18-də şirkətlər arasında qazın nəqli, eləcə də Rumıniyanın potensialından istifadə olunmaqla qazın tranziti məsələlərində əməkdaşlıq haqda Anlaşma Memorandumu imzalayıb.
SOCAR-ın məlumatına görə, sənəd uzunmüddətli sazişlər və ya spot-sövdələşmələr əsasında, o cümlədən AGRİ layihəsi çərçivəsində maye qazın qəbulu üzrə potensial terminallar da daxil olmaqla, Rumıniya bazarına təbii və maye qaz tədarükü və treydinqi sahəsində əməkdaşlıq imkanlarının birgə öyrənilməsi kimi məsələləri nəzərdə tutur.
İmzalanma zamanı qeyd edilib ki, memorandumun imzalanması şirkətlər arasında əməkdaşlığı dərinləşdirmək, Cənub-Şərqi Avropa və Balkan regionunun təbii qaz bazarında fəaliyyətləri genişləndirmək imkanı verəcək.
“Memorandum enerji sahəsində, xüsusilə də təbii qazın tədarükü, nəqli, marketinqi və satışı sahələrində birgə fəaliyyətin ölkələr arasında əməkdaşlığın genişlənməsinə də əhəmiyyətli töhfə verəcək”, - deyə məlumatda bildirilir. –0—
İqtisadiyyat
-
Türk Dövlətləri Təşkilatının (TDT) Ticarət-Sənaye Palataları İttifaqı (TSPİ) 26 dekabr tarixində Bakıda Baş Assambleyasını keçirdi, üzv dövlətlər arasında dinamik iqtisadi artımı və dərinləşən inteqrasiyanı önə çəkdi. Azərbaycan və TDT-nin digər üzv dövlətlərini təmsil edən iş dünyası və dövlət rəhbərləri ticarət, investisiya və regional əlaqə layihələrini müzakirə etdilər.
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
Rəy yaz