SOCAR və UNİPER şirkətləri enerji və buxar istehsalı sahəsində fəaliyyət göstərəcək birgə müəssisənin yaradılmasına dair saziş imzalayıb
Azərbaycan Dövlət Neft Şirkəti (SOCAR) və Almaniyanın UNİPER (EON) şirkətləri “SOCAR – UNIPER” MMC birgə müəssisəsi yaradır.
Mayın 25-də şirkətlərin Əlaqələndirmə Komitəsinin 3-cü iclasında tərəflər müvafiq saziş imzalayıb.
Sazişə əsasən, birgə müəssisədə SOCAR 51 faizlik, UNİPER isə 49 faizlik pay bölgüsünə sahib olacaq. Yeni müəssisə enerji və buxar istehsal edəcək. Bundan başqa, tərəflər arasında Etilen-Polietilen Zavodunda yeni buxar turbogenerator qurğusunun tikintisi barədə ilkin layihə sazişi imzalanıb.
“Qurğunun tikintisi Etilen-Polietilen Zavodunda səmərəliliyi artıracaq və əlavə elektrik enerjisi istehsalını təmin edəcək”, deyə SOCAR mütəxəssisləri düşünür.
İmzalanma mərasimində R.Abdullayev bildirib ki, buxar turbogenerator qurğusunun tikintisi layihəsinin dəyəri 26 mln avro təşkil edir. Onun sözlərinə görə, ilkin olaraq Almaniya şirkəti 4 mln avro investisiya yatıracaq: "Daha 20 mln avro Bavariya Bankından 1%-lə 15 il müddətinə kredit kimi götürüləcək. Bu layihə çox effektlidir. Layihənin geri dönmə əmsalı 15%-dir".
Onun sözlərinə görə, qurğunun tikintisi iki il ərzində həyata keçiriləcək və 2018-ci ildə buxar istehsal ediləcək.
“Qurğunun tikintisi sayəsində buxar generatoru kompleksinin səmərəsi 80% artacaq. Buxarın maya dəyəri 1 kubmetr üçün 0,19 manata düşəcək. Bu, respublika üzrə göstəricidən xeyli aşağıdır”, - deyə Abdullayev bildirib. –0—
İqtisadiyyat
-
Azərbaycanın qlobal ticarətdə mövqeyini gücləndirmək istiqamətində əhəmiyyətli bir addım olaraq, Biznes Mühiti və Beynəlxalq Reytinqlər Komissiyasının "Beynəlxalq Ticarət" işçi qrupu videokonfrans keçirdi. Görüş zamanı əldə edilmiş irəliləyişlər müzakirə edildi və 2025-ci il üçün hədəflər müəyyənləşdirildi. Görüşdə əsas iştirakçılar arasında İqtisadiyyat nazirinin birinci müavini Elnur Əliyev, İqtisadi İslahatların Monitorinqi və Qiymətləndirilməsi Sektorunun rəhbəri Vüsal Şıxəliyev və Dövlət Gömrük Komitəsi sədrinin müavini Natiq Şirinov yer alıb.
-
Azərbaycanın İqtisadiyyat Nazirliyi və Azərbaycan İxracın və İnvestisiyaların Təşviqi Agentliyinin (AZPROMO) təşəbbüsü ilə bu həftə Bakıda mühüm ixracatçılar görüşü keçirildi. Tədbir hökumət rəsmiləri, sənaye liderləri və sahibkarları bir araya gətirərək, son bir il ərzində ixrac əməliyyatlarında əldə olunan irəliləyişi nəzərdən keçirmək və 2025-ci il üçün iddialı hədəflər müəyyənləşdirmək məqsədi daşıyırdı.
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
Rəy yaz