Bu ilin birinci rübündə Ekvadordan Azərbaycana 4371,5 ton banan gətirilib ki, bu da 2015-ci ilin müvafiq dövrü ilə müqayisədə 35% azdır.
Həcmin azalmasının səbəbləri açıqlanmır. Ekspertlər ehtimal edirlər ki, bunun əsas səbəbi toy mərasimlərinin sayının azalmasıdır. Belə ki, əgər 2015-ci ilin yanvar-mart aylarında 17 min nikah qeydə alınmışdısa, bu ilin həmin dövründə 14,2 min nikah qeydə alınıb. Banan Azərbaycan toylarında meyvə desertinin ayrılmaz hissəsidir. Bundan əlavə, əhalinin alıcılıq qabiliyyəti də zəifləyib. Hazırda bananın pərakəndə qiyməti 1 kiloqrama görə 3 manata yaxındır.
Dövlət Gömrük Komitəsinin məlumatına görə, birinci rübdə bananın idxalına 4 mln. ABŞ dollarına yaxın xərclənib ki, bu da 2015-ci ilin müfaviq dövründə olduğundan $2,4 mln. azdır.
Qeyd edək ki, digər tropik bitkilər kimi banan da inhisar obyektidir. Onun idxalı ilə Britaniya kapitallı “Asadov Capital” şirkəti məşğul olur.
2015-ci ildə Azərbaycana banan idxalı 19,6 min ton ($18,3 mln.) təşkil edib. 08B
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz