“Günəşli” yatağındakı 7 saylı dərin dəniz özülünün istismara verilməsi bu yataqda hasilatın sabitləşməsi ilə nəticələnəcək, deyə SOCAR prezidenti Rövnəq Abdullayev jurnalistlərə bildirib.
“Günəşli” yatağında daha bir özül tikməyi planlaşdırırıq, yaxın vaxttlarda onun layihələndirilməsinə başlanılacaq”, deyə R.Abdullayev qeyd edib.
SOCAR rəhbəri qeyd edib ki, 7 saylı dəniz özülündən sutkada 1 mln kubmetr qaz və 1400 ton neft çıxarılacaq.
«“Günəşli” yatağında ilk dəfə 7 saylı dəniz özülündən üfqi quyular qazılacaq»,- deyə SOCAR rəhbəri bildirib.
Platforma dənizin 148 metr dərinliyində quraşdırılıb. O, 20 istismar quyusunun qazılması üçün nəzərdə tutulub. Bu quyulardan 6-ı hər birinin sutkalıq hasilatı 150 min kubmetr qaz və 15 ton kondensat təşkil edən 6 qaz, hər birinin sutkalıq hasilatı 100 ton neft və 15 min kubmetr səmt qazı təşkil edən 14 neft quyusunun qazılması üçün quraşdırılıb.
Quyularda qazma işləri iki müasir qazma qurğusunun (ZJ 70/4500 DZ (Çin) və Bentec 3000 HP AC (AFR)) köməyi ilə həyata keçiriləcək. İkinci qurğu daha geniş imkanlara malik olub 8-9 min metr dərinlikdə quyuların qazılmasına imkan verir.
Yeni platformanın tikinti xərcləri 180 mln. 827,9 min manat təşkil edib. —12С—
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz