Azərbaycan qaz xabına çevrilir

 Rusiya qazının idxalına ehtiyacın səbəbi nədir? Jurnalistlərin bu sualına cavab verən SOCAR prezidenti Rövnəq Abdullayev deyib ki, SOCAR Rusiya qazının alınması ilə bağlı təkliflərini “Qazprom”a təqdim edib.

Onun sözlərinə görə, SOCAR 3 mlrd kubmetr qaz almağı planlaşdırır və infrastruktur problem yoxdur.

Abdullayev deyib ki, idxal qazı bu məsələlərin həlli üçün lazımdır. Əvvəla, SOCAR və ВР-nin rəhbərlik etdiyi konsorsiuma neft hasilatının sabitləşməsi və artırılması məqsədilə laylara doldurmaq üçün səmt qazı lazımdır. Qalan həcm ölkənin ehtiyaclarına yönəldilir. Neftçilər bu qazı quyulara vuracaq və quyuların məhsuldarlığı artacaq. Neft həmişə qazdan bahadır. Ona görə belə yanaşma biznesin bütün iştirakçılarına əlverişlidir.

İkincisi, qaz anbarlarımız yenidən qurulandan sonra imkanları genişlənib. Onlarda 5 mlrd kubmetr qaz saxlamaq olar. Amma SOCAR anbarlara ən çoxu 3,3-3,5 mlrd kubmetr qaz vurur. “Yay aylarında İran istifadə etmədiyi həcmdə qaza malik olur. İranda qaz istehlakının pik həddi qış fəslinə düşür. Hazırda bizim yeraltı qaz anbarlarına yayda İran qazının doldurulmasına dair danışıqlar aparılır. Məqsəd qış fəslində İranın şimal rayonlarını qazla təmin etməkdir”, - deyə R.Abdullayev bildirib.–12В--