S&P SOCAR-ın kredit reytinqini BB-yə endirib

Standard & Poors kredit  reytinqiləri xidməti SOCAR şirkətinin (Azərbaycan Dövlət Neft Şirkəti) reytinqini “BB+” səviyyəsindən “BB”yə salıb. Bu barədə agentliyin məıumatında deyilir.

Reytinq proznozu “stabil”dir. Agentlik həmçinin şirkətin təmin edilməmiş prioritet borc üzrə reytinqini də “ВВ+”dən “BB”yə salıb.

SOCAR-ın reytinqinin aşağı salınması Azərbaycanın suveren kredit reytinqinin aşağı salınmasından sonra baş verib.

Agentlik SOCAR-ın ölkə iqtisadiyyatında rolunu “olduqca mühüm” kimi qiymətləndirib. Belə ki, şirkət Azərbaycan iqtisadiyyatının strateji sektorunda – neft-qaz sektorunda iri işəgötürən və vergiödəyicisi kimi mühüm rol oynayır, mühüm sosial finksiyanı  yerinə yetirir, neft emalı və neft-kimya seqmentlərində monopoliya mövqeyini tutur. Bundan əlavə, SOCAR minoritar səhmdar və karbohidrogenlərin kəşfiyyatı və hasilatı üzrə nəhəng beynəlxalq layihələrdə, əsasən “Azəri-Çıraq-Günəşli” yatağının işlənməsində (11,6461% pay) dövlətin təmsilçisi sayılır. 

Agentliyin qiymətləndirməsinə görə, SOCAR xidmət və borcların ödənilməsi, hətta neftin qiymətinin endiyi şəraitdə əsaslı xərclər proqramının maliyyələşdirilməsi üçün kifayət qədər vəsaitə malikdir. Eyni zamanda S&P hesab edir ki, yaxın 12-18 ay ərzində SOCAR hasilatın həcmini artıra bilməyəcək.

“Digər neft şirkətləri kimi SOCAR da əsaslı xərcləri azaldır. Şirkət əvvəlkitək dövlətdən cari dəstək alacaq”, - agentlik hesab edir.

SOCAR-ın reytinqi üzrə “stabil” proqnozun tsədiqlənməsi şirkətin cari reytinqə uyğun səviyyədə kredit qabiliyyətinin xarakteristikasını saxlaya biləcəyi barədə ağentliyin rəyini əks etdirir.

Agentlik hesab edir ki, SOCAR-ın reytinqi artırıla bilər, lakin bu, o halda baş verə bilər ki, Azərbaycanın suveren reytinqi ilə bağlı analoji hal olsun.

S&P-nin neftlə bağlı proqnozlarını nəzərə alsaq, çətin ki yaxın bir-iki ildə SOCAR-ın reytinqləri artırılsın.

Agentlik SOCAR-ın reytinqinin uzunmüddətli perspektivdə artırılması imkanlarını nəzərdən keçirəcək, bir şərtlə ki, Azərbaycanın suveren reytinqi ilə bağlı nüsbət reytinq olsun. Bu da yalnız neftin qiymətinin bir barelə görə  $50-dən çox olması və kapital qoyuluşlarının azalması şəraitində mümkündür.

S&P-nin yenidən baxılmış baza ssenarisinə görə, 2016-cı ildə Brent markalı neftin orta qiyməti bir barelə görə $40, 2017-ci ildə  $45, 2018-ci ildən $50-dən yuxarı olacağı proqnozlaşdırılır.

“2016-cı ildə Azərbaycanda neft hasilatı təxminən 1% azalacaq”, - agentliyin analitikləri hesab edirlər. Onların proqnozlarına görə, hasilatın həcmi stabil olacaq.

Agentliyin qiymətləndirməsinə görə, Azərbaycan hökuməti SOCAR-ın TANAP (Transanadolu layihəsi - $10 mlrd. həcmində dəyərləndirilir) , AÇG və “Şahdəniz” kimi iri layihələrdə iştirakının maliyyələdirilməsini dəstəkləməkdə davam edəcək.

Agentliyin məlumatına görə, SOCAR-ın 2016-17-cı illərdə əsaslı xərcləri 1,5-1,6 mlrd. manata yaxın olacaq. S&P 2016-cı ildə manatın dollara nisbətdə məzənnəsini orta hesabla 1,6 AZN/USD səviyyəsində proqnozlaşdırır.

S&P həmin proqnozlara əsaslanaraq hesab edir ki, 2016-cı ildə SOCAR-ın əməliyyat gəlirləri şirkətin borc həcminin 30-35%-ni təşkil edəcək. –12D--