Transadriatik qaz kəmərinin (TAP) Xəzər regionundan Avropaya qaz nəqli üçün ilkin texniki-iqtisadi əsaslandırmasının hazırlanması başa çatıb, deyə bu gün yerli KİV məlumat yayıb. Rusiyanın “Cənub axını”na rəqib olacaq qaz kəmərinin tikintisinə 2014-cü ildə başlamaq planlaşdırılır.
TAP Yunanıstanın Komotini şəhərinin 478 km-dən keçərək Albaniya (209 km) və Adriatik dənizinin dibi ilə uzanacaq (105 km), İtaliyanın cənubunda Brindizi liman-şəhərinə çatacaq. Layihənin iştirakçıları Axpo AG (42,5%), Norveç Statoil-u (42,5%) və Almaniyanın E.ON Ruhrgas (15%) şirkətidir.
Kəmərin ilkin buraxılış qabiliyyəti ildə 10 mlrd m3-dir, 20 mlrd-a çatdırılmaq imkanı olacaq. Bu layihə Aİ-nin lobbiçilik etdiyi Cənub qaz dəhlizinin tərkib hissəsidir.
Yunanıstanın "Naftomberiki" qəzeti bildirir ki, "Transadriatik qaz kəmərinin əsas texniki parametrlərinin işlənməsi başa çatıb, quru və suda onun optimal marşrutu müəyyən edilib, materialların xarakteristikası hazırlanıb".
TİƏ-yə həmçinin "800 km-lik kəmərin tikintisi üçün tələb olunan maddi-texniki səylərin qiymətləndirilməsi daxil edilib". TİƏ-nin əsas vəzifələrindən biri "qaz kəmərinin qurulmasının təmin edilməsi, ekloloji cəhətdən qorunmalı olan ərazilər üzrə həllərin hazırlanması, boru kəmərinin təhlükəsizliyi üçün potensial risklərdən qaçmaq üçün tədbirlərin müəyyən edilməsidir".
İlkin texniki-iqtisadi əsaslandırmaya layihəyə dəstək üzrə kompleks paket daxil olacaq. Onu TAP rəhbərliyi bu ilin 31 martına kimi "Şahdəniz" konsorsiumuna təqdim edəcək. Konsorsium bu ilin sonuna kimi marşrut seçimini həyata keçirməlidir.
Yunanıstan, Albaniya və İtaliya fevralın 13-də Afinada TAP üzrə dövlətlərarası saziş imzalayıb. Tikintiyə 2014-cü ilin sonunda başlayıb onu 2018-ci ildə başa çatdırmaq planlaşdırılır. "Şahədniz II" qazı bu kəmərlə nəql edilə bilər, deyə Biznes-TASS məlumat verir. --0--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz