Tikintiyə başlayandan 5 il sonra Türkiyənin «Tekfen Insaat» şirkəti ARDNŞ-nin binasını gələn ilin fevralında istifadəyə verməyi planlaşdırır.
«Hurriyet» «Tekfen Insaat»ın baş direktoru Levent Kafkaslıya istinadən bildirib ki, həmçinin Bakı Olimpiya stadionunun tikintisi başa çatır.
42 mərtəbəli «SOCAR Tower» dövlətə $235,4 mln-a başa gələcək. Burda 5 konfrans zalı, fitnes mərkəz, bir neçə yeməkxana, yeraltı qaraj (1045 avtomobil üçün) yerüstü qaraj olacaq. Binanın hündürlüyü 220 m, sahəsi 100 min kv m-dir.
Bakı Olimpiya stadionunun qiyməti $640,5 mln, hündürlüyü 60 metr, tutumu 68 mindir.
«Tekfen» 1996-cı ildən Azərbaycanda 14 layihə icra edib. Bu layihələrin ümumi qiyməti $2 mlrd-a yaxındır. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz