Təkrarmaliyyələşmə dərəcəsinin azaldılması nə verəcək?
Dünən Azərbaycan Mərkəzi Bankı uçot dərəcəsini endirib. Ötən ilin iyulundan o, 3,5% idi (4,25%-dən endirilib), indi 3%-dir.
Turan-ın: “Bunun hansı nəticəsi olacaq?” sualına İqtisadi Təşəbbüslərə Yardım Mərkəzinin eksperti Samir Əliyev cavab verib. Onun sözlərinə görə, AMB son illər mərkəzləşdirilmiş kreditləri artırır. Bu ilin yanvar-mayında onların ümumi səviyyəsi 1 mlrd (3,2-dən 4,2 mlrd-a) manat artıb. Bu müddətdə ümumi kredit qoyuluşunda mərkəzləşdirilmiş kreditlərin payı 17%-dən 21%-ə çatıb. BAZARA TƏSIR ETMƏK ÜÇÜN KIFAYƏT QƏDƏR YÜKSƏK PAYDIR. Ancaq təsir yox dərəcəsindədir. Çünki heç də bütün banklar bu kreditlərdən yararlana bilmir. Ancaq məhdud sayda banklar üçün Mərkəzi Bankı dəstəyi əlçatandır. AMB-nin siyasəti kreditlərin ucuzlaşması ilə nəticələnə bilər. Amma təkrarmaliyyələşmə dərəcəsinin azaldılması bunun səbəbi olmayacaq.
«Bunun 2 səbəbi var: Birincisi, tələbatın kəskin azalması və bankların dollar bolluğundan “əziyyət” çəkməsi səbəbindən dollar kreditlərinin faiz dərəcəsinin azaldılası, ikincisi, Mərkəzi Bankın birbaşa göstərişi nəticəsində faizlərin aşağı salınması.Birinci səbəb devalvasiya nəticəsində əmanət bazarının dollarlaşmasının fəsadlarıdır. İkinci isə inzibati metoddur və nəticəsi qısamüddətli olacaq”.
Maliyyə bazarının mütəxəssisləri hesab edir ki, yaxın dövrlərdə filialların bağlanmasının, işçi heyətində ixtisarların və hətta bir neçə bankın bazarı tərk etməsinin (başqa banka birləşmə də ola bilər) şahidi ola bilərik. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz