Texnologiyalar Parkı haqqında Əsasnamə təsdiq edilib.
Azərbaycan Prezidenti İlham Əliyev "Texnologiyalar parkı haqqında Nümunəvi Əsasnamə"nin təsdiq edilməsi barədə Fərman imzalayıb ( http://president.az/articles/11749). Sənəd texnoloji parkların yaradılması, idarə edilməsi ilə bağlı məsələləri tənzimləyir.
Ona əsasən, texnoloji parklar dövlət elm və təhsil müəssisələri və ya müstəqil strukturların yanında yaradılır. Onların işini səmərəli təşkil etmək üçün müsabiqə yolu ilə operator cəlb edilə bilər. İdarə edən təşkilat və operator texnoparkın rezidenti kimi fəaliyyət göstərə bilməz. Səlahiyyətli orqan texnoparkın fəaliyyətinin təşkili, idarə olunması və inkişafı ilə bağlı idarəedici təşkilata kömək göstərir, texnoparkın fəaliyyəti barədə illik hesabat hazırlayır, müsabiqə yolu ilə operator seçir, texnoparkın ləğv edilməsi ilə bağlı ölkə prezidentinə təkliflər verir və s.
Sənəd həmçinin texnoparkların torpaq sahəsindən istifadəsi məsələsini tənzimləyir. Əsasnamədə deyilir ki, dövlət, bələdiyyə və özəl torpaqlarda birgə texnoparklar yaradıla bilər. --17D—
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz