![Ticarətçilər vergi əməkdaşlarına öz problemlərindən danışıb](https://turan.az/resized/750/500/resize/media/2016/main/030500149037.jpg)
Ticarətçilər vergi əməkdaşlarına öz problemlərindən danışıb
Martın 3-də Bakıda ticarət fəaliyyəti ilə məşğul olan vergi ödəyiciləri vergilər nazirinin müavini Sahib Ələkbərov ilə görüşərək öz problemlərindən danışıblar. Əsas problem yerli istehsalçıların vergi uçotu üçün tələb olunan zəruri sənədlərdən yayınmasıdır.
Vergilər Nazirliyinin Analitik informasiya şöbəsinin məlumatında qeyd edilir ki, digər problem müşayiət sənədi olmayan malalrdır. Bir sıra mülkiyyətçilər hesab edir ki, yüksək bank faizləri ticari əməliyyatlarda POS-terminallardan geniş istifadəyə mənfi təsir göstərir.
Vergilər nazirinin müavini Sahib Ələkbərov ticarətçilərə təklif edib ki, vergi uçotunun aparılmasında şəffaflığın təmin olunması üçün Bakı Vergilər Departamenti ilə əlaqə saxlasınlar. “Vergi ödəyiciləri dövriyyələrini düzgün göstərməli və sənədləşdırmə işlərini qaydasına salmalıdırlar”, deyə o qeyd edib.
Sonra vergilər nazirinin müşaviri, Bakı Vergilər Departamentinin rəisi vəzifəsinin müvəqqəti icraçısı Habil Məmmədov deyib ki, ticarət obyektlərində sənədsiz malların satışının yolverilməzdir və yaxın vaxtlarda bununla bağlı nəzarət tədbirləri keçiriləcək. O həmçinin deyib ki, 2013-cü ildən vergi orqanları ilə yaradılan tərəfdaşlıq münasibətlərini dərinləşdirmək üşün müvafiq tədbirlər davam etdiriləcək.
Qeyd edək ki, vergi orqanları ilə sahibkarlar arasında tərəfdaşlıq münasibətlərinin əsas prinsipi vergi yoxlamalarına moratorium və daha yüksək vergi ödənilməsidir.
Bu il yanvarın 1-dən Bakının ticarət müəssisələri iki vergi növündən birini seçə bilər: illik dövriyyədən asılı olmayaraq 6% həcmində sadələşdirilmiş vergi və ya ildə 200 min manatı keçən əməliyyatlar üzrə ƏDV uçotuna durmaq.
Vergilər Nazirliyində Turan-a bildiriblər ki, 2016-cı il yanvarın 1-i üçün Azərbaycanda 269 554 aktiv vergi ödəyicisi var. Bunun 32 229-u hüquqi, 225 962-si fiziki şəxslərdir. 08D
-
- Cəmiyyət
- 5 Mart 2016 13:55
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz