«Topaz İnvestments» «NIKOIL» Bankın səhmlərinin yeni emissiyasının birinci hissəsini alıb
“NIKOIL” Bankın əsas səhmdarı – “Topaz İnvestments” QSC bank səhmlərinin yeni emissiyasının birinci hissəsini bütövlüklə alıb. Bu barədə bankın məlumatında deyilir.
Turan məlumat verir ki, Bakı Fond Birjasında yerləşdirilmiş 60 milyon manat məbləğində səhm alınıb.
Beləliklə, bankın kapitalının artırılmasının birinci mərhələsi başa çatıb ki, nəticədə 94,5 mln. manat təşkil edib.
90 mln. manat məbləğində ikinci tranş kapitalın 184,5 mln. manatadək artırılmasını nəzərdə tutur.
Bu qərar səhmdarların 21 sentyabr 2016-cı il tarixli ümumi yığıncağında qəbul edilib.
Majoritar səhmdar artıq bankda lazımi vəsaiti yerləşdirib və hazırda birja vasitəsilə emissiyanın təşkili üzərində iş gedir. Emissiya və səhm alışı bu il oktyabrın sonlarında başa çatacaq.
Hazırda “NIKOIL” Bankın səhmləri səhmdarlar arasında belə bölünüb:
“Topaz İnvestments” QSC - 84,08%
“NİKOYL” QSC – 15,55%
“ISR Holding” MMC – 0,37% 71D
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz