Ötən il Azərbaycanda torpaq sahələri üzrə əməliyyatlar 10% artıb. Daşınmaz əmlak üzrə 11 aylıq məlumata görə, torpaq sahələri üzrə 52,2 min əməliyyat olub. Bu, 2012-ci ilin yanvar-noyabrında daşınmaz əmlak üzrə əməliyyatların 38,8%-dir.
Torpaq daşınmaz əmlaka investisiyaların ən populyar növüdür. O, daşınmaz əmlak hüququnun dövlət qeydiyyatının strukturunda çoxmərtəbəli binalarda mənzilləri (49,5 min) 5,4% keçib. 11 ayda torpaq sahələri üzrə əməliyyatların payı 13,3% olub. Həmin dövrdə ölkə üzrə mənzillərə hüququn qeydiyyatının 69%, qeyri-yaşayış yerlərinə hüququn qeydiyyatının 79,4%-i Bakının payına düşüb.
Qeyd edək ki, 2011-ci illə müqayisədə daşınmaz əmlak hüququnun dövlət qeydiyyatı 1,7% artıb. Fərdi və bağ evləri üzrə əməliyyatlar (26,9 min) 9,7%,qeyri-yaşayış sahələri üzrə (3 569) 8,3%, əmlak kompleksləri üzrə (758) 4,9% azalıb. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz