AZƏRBAYCAN HAQQINDA

Bilirəm ki, bu mətni oxuyan bəzi azərbaycanlılar deyəcəklər: Başqa ölkələrə necə yaşayacaqlarını rus ədibi öyrədə bilməz – öz ölkəsində Allah bilir nələr baş verir. Amma mən Azərbaycan haqqında kitab yazdıqdan sonra o, mənim üçün yad ölkə olmaqdan çıxıb, biz yazıçılar beləyik...

Azərbaycan və azərbaycanlılar mənim xoşuma gəldi.

Sehirli Bakı şəhəri mənə böyük təsir bağışladı. Belə deyim: Orada olub insanlarla ünsiyyət qurduqda başa düşməyə başladım ki, Azərbaycan-Ermənistan düşmənçiliyi tarixində hər şey çox mürəkkəbdir və ağ-qara deyil. Dünyanın bu münaqişədə yekdilliklə tərəflərdən yalnız birini dəstəkləməsi mənə ədalətsiz gəlməyə başladı. Hesab edin ki, mən Azərbaycanpərəst oldum.

Amma, əziz azərbaycanlılarım, siz özünüzə nə edirsiniz belə?

Cəsur bir insan – yazıçı Əkrəm Əylisli uzun illər ərzində ilk dəfə sizi barışığa doğru addım atmağa çağıran bir insan tapıldı.

Bu çağırışı məhz bir yazıçı kimi etdi – bədii mətn yazdı. Barışığa doğru addım bu sözləri deməkdir: qulaq asın, baş verələrdə bizim də təqsirimiz var.

Buna görə siz dövlətin, ictimai təşkilatların və xalq kütlələrinin qəzəbini Əkrəm Əylisliyə yönəltdiniz. Bir nəfərə. Yetmiş beş yaşlı yazıçıya. Romanına görə. Xahiş edirəm, dayanın.

Bütün dünyanın gözləri önündə ölkənizə ağır zərbə vurursunuz. Bilmirsiniz ki, yazıçıya qarşı müharibədə dövlət qalib gələ bilməz? Öldürə bilər, asanlıqla zəhərləyər. Amma buna baxmayaraq hər zaman məğlub tərəf olaraq qalacaq.

Salman Ruşdinin başına gələnlərin təkrarlanmasını istəyirsiniz?

İzqoy-ölkəyə çevrilmək istəyirsiniz?

Azərbaycanın sivil ölkə olduğunu və burada ədəbiyyata görə repressiyalara məruz qoyulmadığını nümayiş etdirin.

Əkrəm Əylisliyə isə möhkəmlik və könül rahatlığı arzu edirəm.

O, elə bir kitab yazıb ki, onu yazmaya bilməzdi. Yazıçı üçün isə bu, ən əsasıdır.