TuranBank-ın aktivləri 25,7% artıb

Bu il iyulun 1-i üçün TuranBank-ın aktivləri 241,686 mln manat olub. 2012-cü ilin eyni dövrü ilə müqayisədə 25,75%, 2013-cü ilin əvvəli ilə müqayisədə 11,34% artım olub. 

Bankdan verilən məlumata görə, hesabat dövrü üçün kredit portfelinin qalığı 177,298 mln manat olub. Bu, 2012-cü ilin eyni dövrü ilə müqayisədə 21,23%, 2013-cü ilin əvvəli ilə müqayisədə 9,93%  çoxdur. 

Bu ilin yanvar-iyun ayları üzrə bankın depozit portfeli ilin əvvəli ilə müqayisədə 4,4%, 2012-ci ilin analoji dövrü ilə müqayisədə isə 21,4% artıb. Depozit portfelinin strukturunda əhalinin müddətli əmanətləri 2012-ci ilin analoji dövrü ilə müqayisədə 22,5% artaraq 51,8 mln manat təşkil edib.

Bankın nizamnamə kapitalı 40,1 mln manat təşkil edib. Bu, ilin əvvəli ilə müqayisədə 33,34%, ötən ilin analoji dövrü ilə müqayisədə isə 21,4% çoxdur. Hesabat dövründə “TuranBank”ın məcmu kapitalı ilin əvvəli ilə müqayisədə 36,64%, ötən ilin analoji dövrü ilə müqayisədə isə 64,25% artaraq 43,549 mln. manat olub.

 Bankın nizamnamə kapitalı strukturu ümumilikdə 27 səhmdar olmaqla - 5 hüquqi (23,84%) və 22 fiziki şəxsdən (76,16%) ibarətdir.   

2013-cü ilin yanvar-iyununda TuranBankın gəlirləri 13,1 mln manat, xərcləri isə 10,469 mln. manat olub. Bankın balans mənfəəti 2,657 mln. manat təşkil edib. .—15D--