Ucarda yeni kəsim sexi tikilir

Ucarda yumurta və quş əti istehsalı sexi tikilir. 

Bu gün «Ucar Aqro MMC»nin yeni sexinin təməli qoyulub. 5 ha (cəmi sahə 87 ha) sahədə ən müasir texnolgiya ilə “halal” standartına uyğun quşçuluq məhsulları istehsalı nəzərdə tutulur. Sex işə düşəndən sonra saatda 6000 quş emal edəcək. Tikinti 18-20 aya başa çatmalıdır. 

Yeyinti sənayesi ZQAN Holdinq üçün xarakterik deyil. Rəhbərliyin fikrincə, pilot layihə vəsaiti doğruldacaq. Holdinqin İH sədri Vaqif Həsənov jurnalistlərə sex barədə ətraflı məlumat verib. 

Onun sözlərinə görə, bu, ən müasir tələblərə cavab verən texnologiyaya malik istehsaldır. Avadanlıq Hollandiyanın “Meyn” şirkətinindir. Bu isə sürət və keyfiyyət deməkdir. 

  “Sex işə düşəndə burada 150-160 daimi iş yeri olacaq. Ümumilikdə fermada 800 nəfər çalışacaq. Şadam ki, tezliklə Ucar Agro-nun sexi quşçuluqda yeni keyfiyyət tətbiq edəcək» - deyə Həsənov bildirib. 

ZQAN Holdinq uğurlu və dinamik idarəçiliyi olan şirkətdir. ZQAN Holdinq ZQAN şirkətlər qrupuna daxil olan şirkətlərin fəaliyyətinə rəhbərlik edir. 

ZQAN şirkətlər qrupu tikinti məhsulları buraxır, bank, sığorta işi, tikinti, yük daşımaları, daşınmaz əmlak sahəsi və s. ilə məşğul olur. –17D—