Şənbə günü Bakıda valyutadəyişmə məntəqələri valyuta satışını məhdudlaşdırıblar. “Bizdə dollar yoxdur”, deyə valyutadəyişmə məntəqəsi sahiblərindən biri bildirib.
Səhər saatlarından mübadilə məntəqələrinin siyahısında dolların manata nisbətdə məzənnəsi 0,01 artış göstərərək, satış 1 dollar = 1,07 manat, alış 1 dollar = 1,06 manat olub.
Mübadilə məntəqələri neftin bir barelinin 37 dollara qədər ucuzlaşmasından sonra manatın növbəti devalvasiyası haqqında güclənən şaiyələrlə əlaqədar təlaşa düşüb.
Bu ilin fevralında manatın ilk dəfə 35% devalvasiyasından sonra Mərkəzi Bankın rəhbəri Elman Rüstəmov neft qiymətlərinin 40 dollardan aşağı düşəcəyi təqdirdə növbəti devalvasiyanın ola biləcəyini bildirmişdi.
ABŞ Federal Ehtiyatlar Sisteminin uçot dərəcəsini artırması vəziyyəti daha da qızışdırıb. Azərbaycan Mərkəzi Bankı uçot dərəcəsinin artırılmasının ABŞ dollarının və manatın məzənnəsinə təsiri haqqında heç bir bəyanat vermədiyini açıqlamaq məcburiyyətində qalıb. Manatın dollara nisbətdə məzənnəsi stabil olaraq qalır, deyə AMB bildirib. Lakin bu neytral bəyanat dünən Mərkəzi Bankın dərc etdiyi Azərbaycanın ödəmə balansı üzrə hesabatı ilə tanış olan cəmiyyətdə daha çox şübhə doğurub. Hesabata görə, oktyabrın 1-nə cari əməliyyatlar hesabının profisiti 240,5 mln. dollar səviyyəsində olub. bu, ötən ilin yanvar-sentyabr aylarında olduğundan (9 mlrd. 65,4 mln. dollar) 37,7 dəfə azdır. -0-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz