Bu ilin yanvar ayında Vergilər Nazirliyinin xətti ilə dövlət büdcəsinə vergi daxilolmalarının həcmi 780,3 mln manat təşkil edib, bu da 2013-cü ilin eyni dövrü ilə müqayisədə 10,4% çoxdur.
Vergilər Nazirliyindən Turana bildiriblər ki, vergi daxilolmalarının təxminən yarısı, yaxud 48,9% mənfəət vergisinin payına düşür. Ötən ilin yanvarında dövlət büdcəsinə vergi daxilolmalarının 54,3%-i bu vergi növünün payına düşüb.
Vergi daxilolmalarının 9,1%-i aksizlərin payına düşür, bu da ötən ilin eyni ayının göstəricisindən 3,3% çoxdur.
Məlum olduğu kimi, bu ilin yanvarın 21-dən Azərbaycan hökuməti yerli bazarının tələbatını ödəmək zərurətindən çıxış edərək avtomobil benzininə aksiz dərəcələrini minimuma endirib.
Vergilər Nazirliyinin məlumatına görə, qeyri-neft-qaz sektorundan 330,8 mln manat toplanıb, bu da 2013-cü ilin yanvarından 26,6 mln manat çoxdur.
2014-cü ildə Vergilər Nazirliyi dövlət büdcəsinə 7,1 mlrd manatın daxil olmasını təmin etməlidir. Bu da 2013-cü ilin icrasından 6,5% (6 663,6 mln manat) çoxdur. Bu il dövlət büdcəsinin gəlir hissəsində Vergilər Nazirliyinin payı 38,5% həcmində müəyyən edilib. 08D
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz