Vergilər Nazirliyi 2863 obyektdə əmək müqaviləsi bağlamadan işə cəlb edilmə faktları aşkarlayıb
Vergilər Nazirliyi bu ilin I yarısında keçirdiyi operativ tədbirlərin nəticələrini açıqlayıb. Operativ nəzarət tədbirləri zamanı 2.863 vergi ödəyicisi tərəfindən 4.720 nəfər fiziki şəxsin əmək müqaviləsi bağlamadan işə cəlb edildiyi məlum olub.
Vergilər Nazirliyinin mətbuat xidmətində qeyd ediblər ki, əmək müqaviləsi bağlamadan işə cəlb edilmə ən geniş yayılmış hadisə deyil. Yanvar-iyunda 27 min vergi ödəyicisinin qanunvericiliyi pozması faktları aşkar edilib. Sahibkarlar əsasən nağd hesablaşmaların aparılması qaydalarını pozur. Bundan başqa, 4000-dən çox vergi ödəyicisinin xüsusi razılıq tələb edilən fəaliyyət növləri ilə belə razılıq (lisenziya) almadan məşğul olduğu müəyyən edilib. Bunlar əsasən taksi sürücüləridir. 08D
İqtisadiyyat
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
-
Azərbaycanda Avropada, Yaxın Şərqdə və Afrikada ayaq və ağız xəstəliyi və yüksək patogen quş qripi epidemiyalarının yayılması ilə əlaqədar olaraq, bəzi bölgələrdən iri buynuzlu heyvanların, quşların və onlarla əlaqəli məhsulların idxalı müvəqqəti olaraq dayandırılıb. Bu barədə ölkənin Qida Təhlükəsizliyi Agentliyi (AQTA) məlumat yayıb.
Rəy yaz