Köçkün vətəndaşlıqdan çıxmaq istəyir
ADNA yataqxanasında məskunlaşan Qubadlı rayon qaçqını Bəkir Bayramov cümə günü RATİ-də mətbuat konfransı keçirib.
Konfrans B.Bayramovun 2009-cu ildə yaşadığı mənzildə (Bakı, M.Qaşqay küçəsi, ev 42, ADNA yataqxanası 244 saylı otaq) baş verən partlayışla bağlı olub.
Otağa qaz çəkilməyib, partlayış yataqxananın zirzəmisindəki “Gözəl Restoran” obyektində baş verib. Nəticədə B.Bayramovun 4 ailə üzvü ağır yanıq xəsarətləri alıb. Hadisə ilə bağlı 13 nəfərin cinayət məsuliyyətinə cəlb edilməsi haqqında qərar çıxarılsa da, ancaq 2 nəfər fəhlə cinayət məsuliyyətinə cəlb edilib. B.Bayramov 2010-cu ildə qalan 11 nəfərin də cinayət məsuliyyətinə cəlb edildiyini, ancaq 115 min manat rüşvət müqabilində bu işə xitam verildiyini xatırladıb.
Hadisə ilə bağlı B.Bayramova ailə üzvlərinin müalicəsi üçün 5 min manat rüşvət təklif olunsa da, o, bundan imtina edib. B.Bayramov ötən müddət ərzində rəsmi qurumlara 75 mindən çox müraciət ünvanladığını, amma bir cavab belə ala bilmədiyini söyləyib.
B.Bayramov özü Qarabağ müharibəsi əlilidir. “Məni müharibədə ermənilər əlil etdi, ailəmi də Bakıdakı “ermənilər”, belə bir əlilliyə görə kompensasiya da vermədilər”, - deyə B.Bayramov bildirib.
Hüquq-mühafizə orqanlarını ittiham edən B.Bayramov neçə illərdir cəhd göstərməsinə baxmayaraq, baş prokuror Z.Qaralovun qəbuluna düşə bilməməsinə diqqət çəkib. Onun fikrincə, bu cinayətin üstünün açılmamasının səbəbi prokurorluq, məhkəmə və istintaqın “zəncirvari korrupsiyaya uğraması”dır.
Son olaraq, B.Bayramov ya bu cinayətin üstünü açmağı, ya da ailəsinin ölkə vətəndaşlığından çıxmasına yardımçı olmağı istəyib. -05C-
-
- Siyasət
- 12 İyul 2013 17:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz