Vergilər Nazirliyi vergi öhdəliklərinin müəyyən edilməsi üzrə yeni alətlərin tətbiqini planlaşdırır
Azərbaycan Vergilər Nazirliyi vergi öhdəliklərinin müəyyən edilməsi üzrə yeni alətlərin tətbiqini planlaşdırır ki, bununla əlaqədar qanunvericiliyin dəyişdirilməsinə dair iş aparılır, nazirliyin məlumatında deyilir.
Turan xəbər verir ki, yeniliklərdən biri vergi öhdəliklərinin əvvəlcədən müəyyənləşdirilməsi (“Advance tax ruling") qaydasının tətbiqidir.
Həmin sistemə görə, vergi ödəyicilərinin müraciəti əsasında vergi orqanları qanunuvericilikdə nəzərdə tutulmuş qaydada həmin vergi ödəyicisinin əməliyyatları üzrə yarana biləcək vergi öhdəliyi barədə məlumat hazırlayaraq ona təqdim edirlər.
Digər vacib məsələlərdən biri vergidən yayınan vergi ödəyiciləri barədə ictimai məlumatlandırmadır.
“Belə ki, vergidən yayınan ödəyicilər üzərində ictimai nəzarət həyata keçirilməklə belə faktlar barədə vergi orqanına məlumat verən şəxslərin mükafatlandırılması nəzərdə tutulub. “Vergidən yayınma hallarının qarşısını almaq məqsədilə ictimai məlumatlandırma” (“Whistleblow”) adlanan həmin mexanizm dünya təcrübəsində geniş tətbiq edilir. Bu zaman faktların media vasitəsilə ictimailləşdirilməsindən də geniş istifadə olunur”, - məlumatda bildirilir.
Bundan əlavə, Vergilər Nazirliyi səhvlərin könüllü açıqlanması sistemini tətbiq etməyi plamlaşdırır. Könüllü vergi açıqlaması” (“Voluntary tax disdosure") vergi yoxlaması üçün qanunla müyyən edilmiş müddət bitdikdən sonra yoxlama zamanı aşkar olunmamış səhvlərin könüllü bəyan edilməsini nəzərdə tutur.
Eyni zamanda vergi qanunvericiliyinə kameral vergi yoxlamaları ilə bağlı dəyişikliklərin edilməsi nəzərdə tutulur. Belə ki, sahibkar vergi bəyannaməsini təqdim edibsə və növbəti 30 gün ərzində həmin sahibkarlıq subyektində kameral yoxlama aparılmayıbsa vergi orqanı həmin vergi ödəyicisində bu yoxlamanı aparmaq hüququnu itirir.72D
-
- İqtisadiyyat
- 25 Avqust 2016 11:18
-
- İqtisadiyyat
- 25 Avqust 2016 12:37
İqtisadiyyat
-
Tikinti sektoru şəhər mənzərələrini dəyişdirən, iqtisadi artımı təşviq edən və yeni iş yerləri yaradan əhəmiyyətli islahatlar keçirir, deyə Şəhərsalma və Memarlıq üzrə Dövlət Komitəsinin birinci müavini Namik Gummatov bildirib.
-
Avqustun 1-dən ərzaq və kənd təsərrüfatı məhsullarının istehsalçıları və satıcıları 2025-ci il üçün dövlət satınalmaları tələblərinə uyğun olaraq tedaruk.az saytında öz təkliflərini verə bilərlər. Müraciət müddəti sentyabrın 1-dək davam edəcək.
-
Son hesabatlara və müsahibələrə görə, Azərbaycanda son aylar pomidor qiymətlərində nəzərəçarpacaq artım müşahidə olunub ki, bu da əsasən yanacaq xərcləri və ya hava şəraiti kimi xarici amillərdən daha çox bazar inhisarçılığı ilə bağlıdır.
-
Azərbaycanın aqrar sektorunda 2024-cü ilin birinci yarısında 6 milyard 19 milyon manatlıq məhsul istehsal olunub ki, bu da ötən ilin eyni dövrü ilə müqayisədə 0,3 faiz çoxdur. Hesabatda kənd təsərrüfatının müxtəlif seqmentləri üzrə birmənalı olmayan dinamika vurğulanır, heyvandarlıqda artım, bitkiçilikdə azlama var.
Rəy yaz