Vətəndaş cəmiyyəti dövlət satınalmalarına nəzarət etmək istəyir

Bu gün “Şəffaflıq Azərbaycan” korrupsiya qarşı mübarizə ictimai birliyi dəyirmi masa keçirib və orda dövlət  satınalma təşkilatlarının nümayəndələri ilə dövlət satınalmalarında dövlət-vətəndaş cəmiyyəti formatında əməkdaşlıq perspektivi müzakirə olunub.

“Şəffaqlıq Azərbaycan” İB-nın icraçı direktoru Rəna Səfərəliyeva bildirib ki, tərəflərin üzərinə satınalma prosedurlarının bütün aspektlərinə riayət etmək öhdəliyi qoyan üçtərəfli razılaşmanın əldə edilməsi təklif edilir (dövlət-biznes-QHT), buna riayət edilməsinə isə vətəndaş cəmiyyəti nəzarət edəcək.

Avropa Birliyinin proqram meneceri Olaf Heidelbax bu ideyanı dəstəklədiyini bəyan edib, onun fikrincə, vətəndaş cəmiyyəti institutlarının cəlb edilməsi dövlət vəsaitlərinin xərclənməsində korrupsiyanın səviyyəsinin azalmasına səbəb ola bilər.

Razılaşmanın detalları barədə “Milli şəffaflıq sisteminin qiymətləndirilməsi” layihəsinin koordinatoru Məhəmməd Muradov danışıb. Onun sözlərinə görə, belə təcrübə müxtəlif ölkələrdə istifadə olunur və ictimai vəsaitlərə nəzərəçarpacaq dərəcədə qənaət edilməsinə gətirib çıxarıb. Məsələn, Pakistanın Kəraçi şəhərində su təminatı obyektinin tikintisi layihəsinin büdcəsində qənaət 15,85% təşkil edib.

Eyni zamanda, vətəndaş cəmiyyəti elektron satınalmalar mexanizminin tətbiqini tələb edir. Məsələn, Gürcüstanda bu metodun tətbiqi hesabına 200 mln dollara qənaət edilib.

“Azərsu” ASC-nin (dövlət su təminatı operatoru) nümayəndəsi bildirib ki, mövcud qanunvericilik dövlət satınalmalarında vətəndaş cəmiyyətinin iştirakını və nəzarətini nəzərdə tutmur. Bundan əlavə, dövlət satınalmaları təşkilatlarının büdcəsində elektron satınalmaların həyatə keçirilməsi üçün vəsait nəzərdə tutlmayıb. Həmçinin bu təşkilatlarda belə satınalmaları həyata keçirmək üçün ştat vahidi yoxdur.  08D