![VTB-Azərbaycan: Amerika sanksiyaları kartlarla həyata keçirilən tranzaksiyalara toxunmayıb](https://turan.az/resized/media/2015/main/122400141499-750-500-resize.webp)
VTB-Azərbaycan: Amerika sanksiyaları kartlarla həyata keçirilən tranzaksiyalara toxunmayıb
VTB bankının ABŞ-ın sektoral sanksiyalarının şamil edildiyi təşkilatlar siyahısına daxil edilməsi ilə əlaqədar plastik kart sahiblərinin kart əməliyyatları üzrə mümkün məhdudiyyətlərlə bağlı narahatlıqları yaranıb.
“Bu məsələ ilə bağlı Visa şirkətinə sorğu göndərilib, şirkət heç bir ölkədə, o cümlədən Rusiyada onların kartlarından istifadə üzrə heç bir məhdudiyyət olmadığını və olmayacağını təsdiq edib”, deyə VTB-Azərbaycan bankının məlumatında bildirilir.
“Visa təsdiq edir ki, ABŞ Xəzinədarlıq Departamentinin 22 dekabr 2015-ci ildə elan etdiyi sektoral sanksiyalar Visa kartlarından istifadə ilə həyata keçirilən tranzaksiyalar üzrə əməliyyatlara toxunmur”, deyə Visa şirkətinin cavabında bildirilir.
VTB-Azərbaycan bankı xatırladır ki, digər ödəniş sistemlərinin kartları üçün də heç bir məhdudiyyət yoxdur.
* VTB-Azərbaycan Rusiyanın Beynəlxalq Maliyyə Qrupu olan VTB qrupuna daxildir. 20 ölkədə fəaliyyət göstərir. VTB Bank ASC-nin əsas səhmdarı 60,9%-lə RF hökumətidir.
Bank VTB-Azərbaycan-ın rəsmi açılışı 23 noyabr 2009-cu ildə olub. Hazırda səhmlərin 51,00%-i Rusiya tərəfinə (Bank VTB İSŞ), 48,99% və 0,01%-i Azərbaycan tərəfinə (müvafiq olaraq “AtaHolding” və özəl şəxs) məxsusdur. -06D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz