Bank VTB (Azərbaycan) korporativ müştərilərə sərfəli şərtlərlə və girovsuz 11 000 AZN nağd kredit təklif edir.
Bankın press-relizində deyilir ki, müştəri-şirkətin istənilən əməkdaşı iş yerindən arayışa və şəxsiyyəti təsdiq edən sənədlərə əsasən illik faiz dərəcəsi 22 % olan nağd kreditlər əldə edə bilər.
Kreditin minimal məbləği 300 manat, ümumi bank komissiyası 1%-dir. Kreditin müddəti - 6 aydan 36 ayadəkdir.
Bank VTB (Azərbaycan) ASC-nin pərakəndə biznes idarəsinin rəisi Tural Vəliyev: “Korporativ kanalın əməkdaşları ilə aparılan iş VTB (Azərbaycan) ASC-nin fəaliyyətinin əsas istiqamətlərindən biridir. Belə ki, müvafiq müştərilər daha sabit və etibarlıdır, həmçinin defolt riski bu halda daha azdır. Bank müvafiq müştərilərə kredit verərkən əlverişli qiymət şərtləri, minimal komissiya təklif edir, habelə müştəri krediti alarkən mövcud olan digər xərclərdən azaddır. Müştərilərimiz tanınmış dövlət, istehsalat, telekommunikasiya, avtomobil, lizinq və treyder şirkətlərinin, həmçinin tibb müəssisələrinin əməkdaşlarıdır”.
Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və “AtaHolding” ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 5 filial və Baş ofisdə yerləşən Müştəri xidmətləri idarəsi ilə təmsil olunub. —0--
İqtisadiyyat
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
-
Azərbaycan Dövlət Neft Şirkəti (SOCAR) yanvarın 15-dən etibarən "yaşıl" istiqrazların buraxılışına başlayacaq. Bu barədə SOCAR-ın rəsmi açıqlamasına istinadən Turan məlumat yayıb.
Rəy yaz