Xarici sığortaçıların siyahısına əlavə edilib

Xarici sığorta, təkrarsığorta və broker şirkətlərinin siyahısına ibir neçə oyunçu əlavə edilib.

Dövlət Sığorta Nəzarəti Xidmətinin saytının məlumatına görə, xarici kapitallı sığorta şirkətlərinin siyahısına 4 təşkilat əlavə edilib: "NART Insurance and Reinsurance Brokerage Inc" (Türkiyə), "Alwen Hough Johnson Limited" (Britaniya), "SB Top Taym" (RF) və "Pioneer Insurance and Reinsurance Brokers Pvt" (Hindistan).

Beləliklə, reyestrdəki xarici kapitallı sığorta şirkətlərinin sayı 93-ə çatıb. Reyestrdəki xarici kapitallı təkrarsığorta şirkətlərinin sayı 39 səviyyəsində qalıb.

Broker seqmentinə bir xarici oyunçu artırılıb - "IUC Sigorta ve Reasurans Brokerligi A.S." (Türkiyə). Hələlik Azərbaycanda broker işləmək istəyən xarici fiziki şəxs qeydiyyata alınmayıb. 

“Sığorta fəaliyyəti haqqında” qanuna əsasən, sığorta, təkrarsığorta və broker şirkətlərinin reyestrinə yüksək reytinqli strukturlar daxil edilməlidir ki, Azərbaycan sığortaçıları onların vasitəsi ilə sığorta və təkrarsığorta əməliyyatları keçirə bilsin.

Həmin qanuna əsasən, reyestr operativ yenilənməlidir ki, şirkət maliyyə bazarında iştirak edə bilsin.

Dövlət Sığorta Nəzarəti Xidmətinin reyestri “Sığorta fəaliyyəti haqqında” qanuna əsasən yaradılıb. --17D—