![Yaşayış binasının təmiri yeni yaradılan şirkətə həvalə edilib](https://turan.az/resized/media/2016/main/072700163548-750-500-resize.webp)
Yaşayış binasının təmiri yeni yaradılan şirkətə həvalə edilib
Qax Rayon İcra Hakimiyyəti Səməd Vurğun küçəsindəki 4 və 7 saylı kommunal yaşayış binalarnıın dam və fasadının təmiri məqsədilə “Lacın 1970” MMC ilə müqavilə bağladığını elan edib.
Dövlət satınalmaları reyestrinin məlumatına görə, müqavilənin dəyəri 102,4 min manat təşkil edir.
Müqavilə iyulun 13-də bağlanıb. “Lacın 1970” isə bu il aprelin 18-də təsis edilib. Beləliklə, kapitalında cəmi 10 manat olan təcrübəsiz şirkət rayon miqyasında böyük müqavilə əldə edib.
Həmçinin Qax Rayon İcra Hakimiyyəti Səməd Vurğun və V.Eyvazov küçələrinin hər birində bir binanın fasadının təmiri üçün “Qalaca” MMC ilə müqavilə bağlayıb. Müqavilənin dəyəri 81,8 min manatdır. 2011-2013-cü illərdə rayonun yerli qurumları bu şirkətlə yaşayış binalarının təmiri və kommunal-kommunikasiya xidmətinin göstərilməsi üçün 148,3 min manat məbləğində müqavilə bağlayıblar.
Müstəqil ekspertlər qeyd edirlər ki, bir qayda olaraq, Azərbaycanda dövlət satınalmaları qeyri-şəffaf formada, KİV-in müşahidəsi olmadan keçirilir. Müqavilələr yeni yaradılan şirkətlərə həvalə edilir ki, onlar da 2-3 ildən sonra ləğv olunur.08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz