Yeganə 100% xarici sığortaçının göstəriciləri

“Chartis Azerbaijan” şirkətinin bu ilin I rübündə yığdığı mükafat həcmi ötən ilin eyni dövrü ilə müqayisədə 48 min manat artaraq (+9,7%), 495,37 min manat olub. 

Şirkətdə Turan-a bildiriblər ki, əmlakın yanğından və başqa risklərdən sığortası üzrə mükafatlar 161,42 min manat təşkil edib. Bu, bütün mükafatların 32,6%-dir. 

Yük sığortası üzrə 62,1 min manat yığılıb. Bu il üçüncü dəfədir ki, mülki məsuliyyətin sığortası birinci yerə iddialıdır. Peşə məsuliyyətinin sığortası üzrə 227,95 min manat, ümumi mülki məsuliyyətin sığortası üzrə 32,23 min manat, işə götürənlərin məsuliyyətinin sığortası üzrə 9,27 min manat toplanıb. 

Nə vaxtsa güclü olan bədbəxt hadisə və xəstəliklərdən sığorta üzrə 2,4 min manat yığılıb. 

Sığorta ödənişləri 367,06 min manat olub. Bunun 365,7 min manatı əmlakın yanğından və başqa risklərdən sığortası üzrədir. 

Bu il İcbari Sığorta Bürosuna üzvlük olmadığı üçün icbari mükafatlar olmayıb. 

Chartis Azerbaijan yerli bazarda 1999-cu ildən xidmət göstərir. Əvvəl onun əvəzinə törəmə strukturu AIG (American International Group) qeydiyyata alınmışdı.  

   İndi 49% Amerika kapitallı şirkətin yerinə 100% xarici kapitallı Brintaniya şirkəti fəaliyyət göstərir (15 oktyabr 2010-cu ildə qeydiyyata alınıb) və 10 sığorta növü üzrə xidmət edir. Şirkətin nizamnamə kapitalı 6 mln 786,5 min manatdır.  --17D—