Yeni AVSMMİS-in xüsusi çəkisi beşdə birə çatıb

Azərbaycan sığorta bazarının həcmi yanvar-iyulda 201 mln 509,39 min manat. Demək, adambaşına mükafat həcmi 21,67 manatdır ($27,6). Ötən il ilə müqayisədə iki dəfə artım var. 

Ötən illər mükafat artımı əsasən nəqliyyat vasitələrinin və könüllü tibbi sığortanın hesabına olurdusa, bu il 6 ayın yekununda icbari həyat sığortası və AVSMMİS onlara çatıb. KTS üzrə 42,19 mln manat, КАСКО sığorat üzrə 31,7 mln manat toplanıb. 

Yeni AVSMMİS üzrə 41,1 mln manat, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 17,27 mln manat, üstəgəl ümumi və qarışıq həyat sığortası üzrə 8,48 mln manat yığılıb. Bu növlər mədaxilin 73,5%-i təmin edib. 

Mükafatların çoxu könüllü növlər üzrədir – 126,94 mln manat və ya 63%. Demək, icbari növlər 50% artıma nail olub. 

Bədbəxt hadisə və xəstəliklərdən sığorta üzrə 6,09 mln manat, hava nəqliyyatının sığortası üzrə 4,64 mln manat (bir ay əvvəl 212 min) toplanıb. Hava nəqliyyatı vasitələri sahiblərinin mülki məsuliyyətinin sığortası üzrə 2,43 mln manat (1 iyunla müqayisədə 100 dəfə artım), yük sığortası üzrə 9,23 mln manat, su nəqliyyatının sığortası üzrə 496,58 min manat mükafat olub. 

Ümumi həyat sığortası üzrə 8,48 mln manat, əmlak hüququ üzrə məsuliyyətin sığortası üzrə 165,73 min manat, kredit sığortası üzrə 41,93 min manat yığılıb. 

Avtonəqliyyat vasitələri sahiblərinin mülki məsuliyyətinin sığortası üzrə 1,5 mln manat, əmlakın yanğından və başqa risklərdən sığortası üzrə 15,36 mln manat, əmlak sığortasının başqa növləri üzrə 304,9 min manat mədaxil olub. 

Xaricə səyahət sığortası üzrə 937,91 min manat, dəniz nəqliyyatının sığortası üzrə 496,58 min manat, kənd təsərrüfatı sığortası üzrə 282,21, ev heyvanları üzrə 131,16 min manat yığılıb. 

Peşə məsuliyyətinin sığortası üzrə 259,51 min manat, işə götürənlərin məsuliyyətinin sığortası üzrə 710,62 min manat mükafat olub. İcbari növlər üzrə 74,57 mln manat toplanıb. Bu, 2011-ci iolin I yarısındakından 2 dəfə çoxdur. Hərbçilərin icbari sığortası üzrə 8,16 mln manat, məhkəmə və hüquq-mühafizə orqanları əməkdaşlarının icbari sığortası üzrə 2,14 mln manat mükafat olub. Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 41,1 mln manat, sərnişinlərin icbari sığortası üzrə 121,03 min manat, əmlakın icbari sığortası üzrə 5,53 mln manat mədaxil edilib. --17D—