Yevlax rayonunda prioritet kreditləşmə sahələri
Sahibkarlığa Kömək Milli Fondu (SKMF) Yevlax rayonunda biznes strukturları kreditləşdirmək üçün prioritet sahələri müəyyən edib. Fondun məlumatında deyilir ki, burda südçülük istiqamətli ailə femer təsərrüfatlarının; "yaşıl marketin"; müasir çörək zavodunun; iri dənçilik təsərrüfatının; pendir və quru meyvə istehsalı müəssisəsinin; intensiv bağçılıq, kiçik və orta istixana təsərrüfatlarının yaradılması dəstəklənir.
“Yevlax rayonunda fəaliyyət göstərən sahibkarlar bu istiqamətlərdə layihələrini fondun müvəkkil kredit təşkilatlarına təqdim edə bilərlər. Həmçinin onlar fonda müraciət edib müvafiq məsləhətlər ala bilərlər. Bununla yanaşı, sahibkarların istəyinə əsasən, SKMF layihənin dəyərinin 100%-dək həcmində kredit ayıra bilər”, - deyə məlumatda qeyd edilir.
SKMF 1992-ci ildə yaradılıb. Sahibkarlara kreditlərin verilməsi 44 müvəkkil bank və qeyri-bank kredit təşkilatı vasitəsilə həyata keçirilir. 2013-ci ildə fond sahibkarlara 275 mln manat məbləğində güzəştli kredit verib. 2014-cü ildə fond sahibkarlara 280 mln manat ümumi məbləğdə kreditlərin verilməsini planlaşdırır. --17D—
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz