![Zibil layihəsinə daha $42 mln xərclənəcək](https://turan.az/resized/750/500/resize/media/2014/main/011300065191.jpg)
Zibil layihəsinə daha $42 mln xərclənəcək
Azərbaycan hökuməti “Bərk məişət tullantılarının vahid idarəçiliyi” layihəsi çərçivəsində daha $42 mln xərcləyəcək. Yanvarın 10-da bununla bağlı İqtisadiyyat və Sənaye Nazirliyi ilə Dünya Bankı arasında əlavə maliyyələşdirmə sazişi imzalanıb.
2014-2016-cı illəri əhatə edən Əlavə Maliyyələşdirməyə dair Saziş çərçivəsində Balaxanı poliqonunun növbəti 20 il müddətinə istismarı məqsədilə beynəlxalq standartlara müvafiq qaydada tam reabilitasiyası nəzərdə tutulur.Bu poliqon “Təmiz Şəhər” layihəsi ilə idarə olunur.
Yeni layihə , bərk məişət tullantılarının idarəçiliyi üzrə milli strategiya sənədinin qısa, orta və uzun müddətli tədbirlər planı layihələrinin hazırlanması, bu sahədə qanunvericiliyin beynəlxalq standartlara uyğunlaşdırılması, regional tullantı poliqonlarının və otürücü məntəqələrin texniki-iqtisadi əsaslandırma sənədlərinin hazırlanmasını nəzərdə tutur.
“Bərk məişət tullantılarının vahid idarəçiliyi” layihəsi haqda saziş 2009-cu ildə imzalanıb. Layihənin qiyməti $41,5 mln-dur. Bunun $29,5 mln-u DB, qalanını Azərbaycan hökuməti (o cümlədən ƏDV şəklində) ayırıb. 08B
-
- İqtisadiyyat
- 13 Yanvar 2014 14:47
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz