Bakı/11.12.18/Turan: Azərbaycan dilində kitabları dinləməyə imkan verən "Audiokitab" layihəsi işə salınıb.
Onları "App Store" və "Google Play" mobil və elektron proqramları vasitəsilə audiokitab.az resursunda əldə etmək olar.
Layihəyə klassik və müasir Azərbaycan ədəbiyyatı və xarici ədəbiyyat əsərləri, dərs vəsaitləri, elmi kitablar və mühazirələr, Azərbaycan nağılları, poeziya və şifahi xalq yaradıcılığı nümunələri daxil edilib.
Mətnlər məşhur aktyorlar və diktorlar tərəfindən səsləndirilir.
Layihənin əsas məqsədlərindən biri milli və xarici ədəbiyyat nümunələrinin xaricdə yaşayan azərbaycanlılara çatdırmaqdır.
"Ümid edirik ki, tezliklə "Audiokitab" həmvətənlərimizin daha sıx birləşməsi üçün bir vasitə olacaq. "Audiokitab" sayəsində Azərbaycan ədəbiyyatı bütün dünyada əlçatan olur, həmvətənlərimizi birləşdirir, xaricdə dünyaya gəlmiş gənc nəsildə Azərbaycan mədəniyyəti aşılamağa, onların ədəbi dili mənimsəməsinə kömək edir", deyə "Audiokitab" layihəsinin rəhbəri, əməkdar mədəniyyət xadimi Həsən Həsənov bildirib.
Audiokitabların formatı ona görə rahatdır ki, kitabları nəqliyyatda - avtomobil, təyyarə, qatarda, gəzinti, istirahət zamanı, müəyyən işləri yerinə yetirərkən dinləməyə imkan verir.
Bundan başqa, "Audiokitab" görməyən və zəif görən insanların Azərbaycan ədəbiyyatı və tarixi ilə tanış olmasına imkan yaradır.
Rəsmi statistikaya əsasən, Azərbaycanda 40 min insan gözdən əlildir, "Audiokitab" layihəsi isə bu kateqoriyadan olan şəxslərin təhsil səviyyəsinin artırılması üçün yaxşı köməkdir.
Audiokitablar orta və ali məktəb şagirdləri üçün də mühüm dərs vəsaitidir. Xüsusən, layihəyə Azərbaycan tarixinin bütün dövrləri ilə bağlı mühazirələr daxil edilib.
Bundan başqa, "Audiokitab" Azərbaycan dilini öyrənmək istəyən əcnəbilərə də kömək edəcək.
Həsənovun sözlərinə görə, Azərbaycanda əvvəllər də audiokitablar yaradılıb. Amma bu layihələr lokal xarakter daşıyıb və konkret hədəf auditoriya üçün nəzərdə tutulub.
Hələlik dinləyicilərə 400 adda audiokitab təqdim edilib. Yeni kitabların səsləndirilməsi üzərində iş davam etdirilir. -06B-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz