Azərbaycan Milli Ensiklopediyasının üçüncü cildi işıq üzü görüb, burada “B” hərfi ilə başlayan məqalələrin nəşri yekunlaşıb.
Yaxın günlərdə cildin satış üçün nəzərdə tutulan 10 min nüsxəlik tirajı Almaniyadan gətiriləcək, bu barədə Turan-a AMEAA-nın Milli Ensiklopediya Elmi Mərkəzindən bildiriblər.
Bir cildin qiyməti 29 manatdır. Eyni zamanda Bakıda “Şərq-Qərb” nəşriyyatında üçüncü cildin 25 min ədəd tirajla kitabxana variantı dərc olunub. Bu nüsxələr kitabxanalara, dövlət müəssisələrinə pulsuz paylanacaq, habelə Azərbaycanın xaricdəki diplomatik nümayəndəliklərinə göndəriləcək.
“A” və “A və B” hərfləri ilə başlayan məqalələrin daxil edildiyi birinci və ikinci cildlər də eyni şəkildə - satış və kitabxana variantında dərc olunub. Hər bir cildin həcmi təxminən 800-900 səhifə təşkil edir.
Növbəti – dördüncü cildə “C” və “D” hərfləri ilə başlayan məqalələrin daxil edilməsi nəzərdə tutulur.
Gələcəkdə Azərbaycan əlifbasının bütün digər hərfləri üzrə cildlər dərc ediləcək.
Bundan başqa, rus dilində 5 min nüsxə tirajla “Azərbaycan” adlı xüsusi cild dərc edilib. Bu, Azərbaycan dövləti, tarixi, mədəniyyəti, ədəbiyyatı, elmi, təhsili, ölkə xadimləri və s. haqqında ümumi topludur.
Milli Ensiklopediyanın ilk iki cildini və “Azərbaycan” adlı xüsusi cildi yalnız AMEA-nın Milli Ensiklopediya Elmi Mərkəzindən əldə etmək olar. -06D-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz