Bakı Caz Festivalı, boşboğaz diplomatlar və nazirlər
Beynəlxalq Bakı Caz Festivalı start götürüb. Festival eyni zamanda şəhərin bir neçə zalında keçirilir.
Həmişə olduğu kimi, təşkilatçılar bu tədbirə xüsusi əhəmiyyət və vüsət qazandırmağa çalışır.
Artıq neçənci dəfədir ki, festivalın işıqlandırılması üçün “Euronews”un çəkiliş qrupu dəvət olunur.
Bu, aydın məsələdir, əsas odur ki, Avropada bizim necə yaxşı olduğumuzu göstərsinlər.
Amma son illər keçirilən festivalların əvvəlkilərdən fərqi ondadır ki, onları musiqiçilər özləri və cazı sevənlər və bilənlər təşkil edib. Buna görə, bu tədbirlərin tonunu ətəkli siyasətçilərin ambisiyaları deyil, musiqi verib.
Bundan başqa, fərq ondadır ki, əvvəlki illərdə Bakı Caz Məktəbinin atmosferi, ənənələri var idi. İndi musiqidə ən yüksək “avtoritet” elə həmin xadimlər oldu. Rəsmi təbliğata inansaq, məhz onlar sayəsində bu ölkədə hər şey var və onlr olmasa bu ölkədə musiqini başa düşməzdilər və sevə bilməzdilər.
Zalda zövqsüz geyinmiş qadınları və musiqiçilərin çıxışını qiymətləndirən ağıllı kimi görünən xadimləri görəndə, bütün bu fikirlər ağıldan çıxmır.
Oktyabrın 20-də Turan-ın müxbiri Muğam Mərkəzində TerriLayn Kerrinqton kvartetinin çıxışı zamanı belə bir mənzərənin qeyri-iradi şahidi olub.
Yan qoltuqda iki diplomat oturmuşdu, onlar demək olar ki, axşam boyunca boş mövzularda söhbət edir və zalın yarısının boş olduğuna işarə edərək, təşkilatçıları tənqid etməkdən çəkinməyiblər.
Bir qədər sonra nazirlərimizdən biri onlara qoşulub, ona dost ölkələrdən birinin səfirinə dostça vuraraq, saymazyana şəkildə “dünən daha maraqlı idi” dedi.
Konsert başa çatdıqdan sonra bu nazir “Euronews”un müxbirinə də “Salam, necəsən?” deyə belə saymazyana xitab etdi.
Fransız və ingilisdilli saqqallı müxbirin cavabını gözləmədən, nazir diplomatlarla çənə döyməyə davam etdi.
Ədalət naminə demək lazımdır ki, digər tərəfdən konsertə təsadüfən düşdüyü aşkar görünən iki gənc qız oturmuşdu. Onlar axşam boyunca kiməsə mesaj yazır və gülüşürdülər.
Bu arada, aparıcı pafosla festivalın yüksək standartını təsdiq edən gözəl tədbirə, ölkədə cazın xüsusi statusuna görə telekanallara və təşkilatçılara təşəkkür edib.
Burada yalnız xoşbəxt uşaqlığımıza görə təşəkkür etmək azlır.
Hamını eyni tutmaq doğru olmazdı. Zaldakıların əksəriyyəti musiqisevərlərdən ibarət idi, onlar musiqiçilərin çıxışını xoş qarşılayırdı. Təəssüf ki, onların, demək olar ki, hamısı yaşlı nəslin nümayəndələri idi, amma onlar Bakı cazı ənənələrinin hələ də yaşadığını sübut etdilər. -02В-
-
- Cəmiyyət
- 21 Oktyabr 2014 18:09
Mədəniyyət
-
İqlim dəyişikliyinin ən kəskin qlobal problemlərdən biri kimi qəbul edildiyi dövrdə bu problem Latviyanın Flow (“Axın”) cizgi filmində öz dərin, vizual inandırıcı əks-sədasını tapıb. FantazEU Mədəni İrs Festivalı çərçivəsində Park Cinema-da nümayiş etdirilən “Axın” tamaşaçılara ekoloji fəlakət şəraitində yaşamaq, əməkdaşlıq və davamlılıq haqqında sözsüz, vizual olaraq heyrətamiz meditasiya təqdim edir. 2024-cü ildə çəkilmiş cizgi- fantaziyanın rejissoru Gints Zilbalodis, ssenaristlər Zilbalodis və Matiss Kajadır. O, beynəlxalq festivallarda mükafatlar alıb və hər yaşda azərbaycanlı tamaşaçıda təəssürat oyadıb.
-
Hazırda yeni qadın yazıçı, şairlərin və ədəbiyyat tədbirlərində onların iştirakçılıqlarının az olması diqqət çəkən nüanslardandır. “Salaam Cinema Mədəniyyət və İncəsənət Məbədi”-nin tərkibində “Yazı Laboratoriyası” bu bərabərsizliyi aradan qaldırmaq üçün “Ədəbiyyat səhnəsində qadınlar zamanı” adlı açıq mikrafon tədbiri keçirib.
-
Azərbaycan kinosunun yeni dalğası yaranır, yerli kinematoqrafçılar müasir həyatın, müharibənin və ailənin çətinliklərini yeni perspektivlər vasitəsilə araşdırırlar. Oktyabrın 22-də Azərbaycan Kinematoqrafçılar İttifaqı "Nizami" Kino Mərkəzində "Yeni nəsil, yeni nəfəs, yeni nəzər" adlı xüsusi tədbir keçirib.
-
Tanınmış azərbaycanlı yazıçı Əkrəm Əylislinin əsərləri "Adamlar və ağaclar" trilogiyasının ingilis dilinə tərcüməsilə ABŞ-da yeni səs qazanıb. Həyəcanverici xatirələri və çox zaman mübahisəli əsərlərilə tanınan Əylisli bu topluda sovet dövründə Azərbaycan kəndindəki həyatı parlaq təsvir edir. Öz ədəbi şücaətinə görə vətənində şöhrət qazanmış müəllif son illərdə, xüsusilə, Azərbaycan-Ermənistan münasibətləri ətrafında həssas mövzuların araşdırılmasına görə sərt reaksiya ilə üzləşib.
Rəy yaz