Bakıda II Avropa Kulinariya Festivalı keçiriləcək
Avropa İttifaqının Azərbaycandakı Nümayəndəliyi Aİ-yə üzv dövlətlərin səfirlikləri ilə birgə ikinci “Avropa Təamları” Kulinariya Festivalını keçirəcək.
Festifal tədbirləri oktyabrın 6-da Aquatic Palace, Avropa Oyunlar Parkında açıq havada keçiriləcək.
Avropa mətbəxi haqqında daha çox öyrənmək, kulinariya ustad dərsləri və kulinariya müsabiqələrində iştirak etmək istəyən hər kəs saat 12:30-dan 19:00-dək festivala baş çəkə biləcək.
Belçika, Çexiya, Fransa, Almaniya, Yunanıstan, Litva, Polşa, Portuqaliya, Rumıniya, Slovakiya, İtaliya, İspaniya və İsveçin səfirlikləri qonaqları öz ölkələrinin mətbəxi ilə tanış edəcəklər.
Gənc aşpaz Yaqub Zeynalzadə yerli mövsümi məhsullardan istifadə etməklə bitki mənşəli yeməklərin hazırlanması üzrə ustad dərsi keçəcək. O, həmçinin bio və eko-məhsulların ətraf mühit və sağlamlıq üçün faydalarından danışacaq. Bu, Aİ Nümayəndə Heyətinin yaxın həftələrdə ictimaiyyətin bu sahədə məlumatlılığının artırılması üçün "Aİ-nin yaşıl diplomatiyası" çərçivəsində təşkil etdiyi çoxsaylı tədbirlərdən biri olacaq.
"Biz Avropa kulinariya ənənələrini azərbaycanlı dostlarımıza nümayiş etdirməkdən məmnunuq. Hər kəsi bizə qoşulmağa və Avropa ölkələrinin unudulmaz kulinariya təamlarından, canlı musiqi proqramından və daha çox şeylərdən həzz almağa dəvət edirik", deyə Aİ-nin Azərbaycandakı səfiri Peter Mixalko bildirib.
Tədbir zamanı viktorinaların qalibləri digər mükafatlarla yanaşı, Aİ Nümayəndəliyi tərəfindən nəşr edilmiş və Aİ-nin 27 üzv ölkəsindən Azərbaycan dilinə tərcümə edilmiş ənənəvi reseptlər toplusundan ibarət "Avropanın təamları" kitabını da əldə edə biləcəklər. Kitabı həmçinin Avropa İttifaqının Azərbaycandakı Nümayəndəliyi veb səhifəsindən elektron formada əldə etmək mümkündür.
Tədbirdə çərçivəsində həmçinin "Azeri Home Chef" Facebook səhifəsi tərəfindən təşkil olunan Avropa yeməklərinin kulinariya müsabiqəsinin və rəsm müsabiqəsinin mükafatlandırma mərasimləri keçiriləcək. Burada həmçinin müsabiqə iştirakçılarının hazırladıqları yeməklər də təqdim olunacaq. Festival Azərbaycan və Avropa dillərində çıxış edən yerli musiqiçilərin konserti ilə müşayiət olunacaq.
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz