British Council Azerbaijan Böyük Britaniyanın Azərbaycandakı Səfirliyi və “Nizami” Kino Mərkəzi ilə birlikdə 28 aprel – 4 mart tarixləri arasında Britaniya filmləri festivalı keçirəcək.
Festivalda qadın rejissorların çəkdiyi qadınlar haqqında altı film: “Böyüklük həyatının təcrübələri”, “Mən – Daniel Bleyk”, “İşin avand olsun”, “Daşqın”, “Xoşbəxt həyat” və “Etel və Ernest” filmləri nümayiş olunacaq.
Festivalı rejissor Reyçel Tannardın çox sayda mükafata layiq görülmüş “Böyüklük həyatının təcrübələri” filmi açacaq. Film Azərbaycan dilində subtitrlə nümayiş olunacaq.
Azərbaycanda “Britaniya Kinosunun Üçüncü Baharı”nın keçirilməsi ilə əlaqədar British Council Azerbaijan-ın direktoru Elizabet Uayt deyib: “Bu il “Britaniya Kinosu Baharı” çox maraqlı yeni filmlər təqdim edir, ümid edirəm ki, Bakı tamaşaçıları festival kinolarına baxmaq fürsətini əldən verməyəcəklər. Bu festival çərçivəsində biz Azərbaycan tamaşaçılarına Britaniya kinematoqraflarının yeni və müxtəlif filmlərini göstərmək və yerli kino xadimləri ilə yaradıcılıq mübadiləsi yolları axtarıb tapmaq istəyirik”.
Böyük Britaniya səfiri D-r Kerol Krofts deyib: “Böyük Britaniya Səfirliyi yenidən “Britaniya Kinosu Baharı”na dəstək verməkdən şaddır və mən müasir qadın rejissorların və prodüsserlərin öz filmlərində taleyin sevinclərini və çağırışlarını necə əks etdikdiklərinə baxmaq fürsətini səbrsizliklə gözləyirəm”.
British Council Böyük Birtaniyanın Bakıdakı Səfirliyi və “Nəriman Film” Kino Şirkəti ilə birlikdə aprelin 24-dən 28-nə qədər “Nizami” Kino Mərkəzində Azərbaycanlı ssenari müəllifləri üçün beş günlük seminar da təşkil edir. Layihənin məqsədi “Böyüklük həyatının təcrübələri” filminin ssenari müəllifi, Britaniyalı mütəxəssis Pol Freyzerin treninq-proqramalrı vasitəsilə Azərbaycan ssenari yazarlarının peşə təcrübələrinin möhkəmləndirilməsidir.
Filmlər “Nizami” Kino Mərkəzində nümayiş olunacaq. Biletlər “Nizami” Kino Mərkəzinin kassalarında satılır, qiyməti 2 manatdır.
KİV aprelin 28-də saat 11.00-da “Nizami” Kino Mərkəzində keçiriləcək mətbuat konfransına dəvət olunur.
Festivalın afişası:
|
“Böyüklük həyatının təcrübələri” |
28.04 - 19:00 1 salon / 30.04- 14:30 2 salon |
|
Etel və Ernest |
29.04 - 14:30 2 salon / 01.05 - 14:30 2 salon |
|
Mən, Daniel Bleyk |
30.04 - 18:30 2 salon / 04.05 - 18:30 2 salon |
|
Xoşbəxt həyat |
01.05 - 18:30 1 salon / 02.05 - 14:30 2 salon |
|
İşin avand olsun |
02.05 - 18:30 1 salon / 03.05 - 14:30 2 salon |
|
Daşqın |
03.05 - 18:30 1 salon / 04.05 - 14:30 2 salon |
Mədəniyyət
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
-
Şəhərin hərarəti və müasir həyatın səs-küyü arasında, təbiətin də bir səsi olduğunu tez-tez unuduruq. Lakin rəssam Elnarə Nəsirli, "Meşənin Pıçıltısı - Səsin Sehri" adlı son sərgisi ilə təbiətin nəbzini və mesajını bizə xatırlatmaq istəyir. Hazırda "Gazelli Art House"-da nümayiş olunan bu multidisiplinar sərgi izləyiciləri meşənin ürəyinə daha yaxınlaşdırır; hər bir yarpaq xışıltısı, hər bir pıçıltı həyatla dolu görünür.
-
Dünya, təcili ekoloji çağırışlarla üzləşdiyi bir dövrdə, təbii resursların qorunması artıq ölkələri birləşdirən ortaq dəyərə çevrilib. Əvvəllər sadəcə müzakirə mövzusu olan ekoloji mühafizə indi demək olar ki, hər qlobal tədbirin diqqət mərkəzindədir.
-
İqlim dəyişikliyinin sürətləndiyi, qlobal temperaturun artdığı və bir çox növün məhv olduğu bir dövrdə, dünyanın müxtəlif ölkələri ətraf mühiti qorumaq üçün daha təsirli tədbirlər görməyə məcbur olur. Bu artan şüurlanma bir çox ölkəni təbiətin qorunması layihələrinə əhəmiyyətli maliyyə vəsaiti ayırmağa vadar edib. Meşələrin bərpasından heyvanların qorunmasına qədər ekoloji təşəbbüslər artıq inkişaf layihələrinin əsas hissəsinə çevrilib.
Rəy yaz