Azərbaycan dövlət satınalmaları haqqında qanunvericiliyin təkmilləşməsi üzrə sonuncu yerdərir

Azərbaycan dövlət satınalmaları haqqında qanunvericiliyin təkmilləşməsi və icrası üzrə Şərq Tərəfdaşlığı ölkələri arasında sonuncu yerdərir.

Azərbaycan 100 mümküm baldan 49 bal toplayıb.

Qanunvericilikdə dövlət satınalmalarının şəffaflığını təmin edəcək tələblər azdır. Bunlar: illik satınalma planları, tender şərtlərinə dəyişiklik, tenderdə iştirak etmək üçün müraciətlər (ərizələr), iddiaçılar tərəfindən təqdim olunmuş tender təklifləri, tender komissiyalarının qərarları, satınalma prosesi ilə bağlı qəbul edilmiş şikayətlər, mübahisələrin həll edilməsi barədə qərarlardır.

Ümumən, bu sahədə mövcud qanunvericilik 100 baldan 9.4 balla qiymətləndirilib. “Tender prosesi şəffaf həyata keçirilmədiyi üçün bu sahədə yüksək korrupsiya riski mövcuddur. Satınalma prosesinə ictimai nəzarət imkanlarının məhdud olması korrupsiya riskini daha da artırır”, deyə sənəddə

(https://www.tpp-rating.org/) qeyd edilir.

Başqa ölkələrdən fərqli olaraq, Azərbaycanda satınalma əməliyyatları elektron tender vasitəsilə həyata keçirilmir. Vətəndaş cəmiyyəti təşkilatlarına dövlət orqanları və müəssisələri tərəfindən həyata keçirilən satınalmalara ictimai nəzarət imkanı verilmir. Tenderlərin nəticələri barədə ictimaiyyətə cüzi məlumatlar verilir. 

Reytinq Gürcüstan İnformasiya Azadlığı İnstitutunun həyata keçirdiyi dövlət satınalmalarının şəffaflığı layihəsi çərçivəsində «Şəffaflıq Azərbaycan» təşkilatının iştirakı ilə tərtib edilib. Qiymətləndirmə bu indikator əsasında həyata keçirilib: qanunvericilik bazasının yekcinsliyi, səmərəlilik, şəffaflıq, hesabatlılıq və dürüstlük, rəqabətlilik və tərəfsizlik. Ukrayna və Gürcüstanın qanunvericiliyi ən yaxşı olub. 08D