Araşdırmaçı-yazar Timur Soykanın “Baron istilası” kitabı
Türkiyənin ən güclü özəl nəşriyyatı “Kırmızı kedi” araşdırmaçı-yazar Timur Soykanın “Baron istilası” kitabını böyük tirajla çap edib. Kitabda Rövşən Caniyev, Nadir Səlifovla bağlı geniş məlumatlar da öz əksini tapıb.
“Rövşən Caniyev və Nadir Səlifov. 16 yanvar 2013-cü ildə bütün yolların və cinayətlərin Türkiyəyə doğru aparacağı çox mühüm bir mafiya cinayəti baş verdi. Lülənin ucunda “Ded Xasan”, yəni “Baba Həsən” ləqəbli Aslan Usoyan vardı. Oğrular dünyası ən çox gürcülərdən ibarətdir, ikinci yerdə isə azərbaycanlılar var”.
Dövlətin izlədiyi “Açıq qapı” siyasətinə görə, son 10 ildə dünya mafiyasının İnterpol axtarışında olan bir çox lideri Türkiyədə məskən salaraq həm qeyri-qanuni işlərini bu ölkədən idarə etdi, həm də rahat həyat yaşadı. Xüsusilə, Süleyman Soylunun daxili işlər naziri olduğu 2016- 2023-cü illərdə mafiyalar arasında dünya miqyasında gedən mübarizədə Türkiyə bir çox hesablaşmalara səhnə olarkən yeraltı dünyasının bəzi mühüm şəxsləri də Türkiyədə öldürüldü. Araşdırıcı-yazar Timur Soykanın “Baron istilası” kitabında mafiyaların təkcə Türkiyədə deyil, dünya miqyasındakı hesablaşmalarına dair dəqiq örnəklərə yer verilib. Əldə etdiyi məlumatları səbrlə analiz edən Timur Soykan digər mafiya liderləri kimi, azərbaycanlı “qanuni oğrular”ın bioqrafiyalarını və törətdikləri əməlləri geniş şəkildə işıqlandırmağa müvəffəq olub:
“Ded Xasanı azərbaycanlı gənc “qanuni oğru” Rövşən Caniyev öldürtdürmüşdü. Rus mafiyası Rövşən Caniyevin başına 5 milyon dollar mükafat qoydu. “Ded Xasan”ın öldürülməsindən sonra başına 5 milyon dollar mükafat qoyulan və izini itirən Rövşən Caniyev də Türkiyədə gizlənirdi. Dubay ilə İstanbul arasında saxta şəxsiyyət vəsiqəsilə dəfələrlə gedib-gəlmişdi. “Ded Xasan”a qarşı təşkil edilən sui-qəsddən qısa müddət sonra Rövşən Caniyevin İstanbulda öldürüldüyünə dair xəbərlər çıxmışdı. Bu xəbərləri Rövşən Caniyevin yaydığı iddia edilirdi”.
Timur Soykanın əldə etdiyi məlumata görə, 2020-ci ildə Türkiyənin Antalya vilayətində təxminən 10 mafiya lideri yaşayıb. “Baron istilası” kitabında son 50 ildə dünyada qeyri-qanuni işlərlə məşğul önəmli mafiya liderlərinin həyat və fəaliyyətləri işıqlandırılıb. Azərbaycanlı “qanuni oğrular” Rövşən Lənkəranski və Lotu Qulinin bioqrafiyaları da kitabın müəllifi tərəfindən təfərrüatlı şəkildə araşdırılıb. Müəllif kitabda açıq mənbələrlə yanaşı, bəzi gizli mənbələrdən əldə etdiyi məlumatlara da yer verib.
3 iyun 2023-cü ildə qurulan yeni hökumətdə Süleyman Soyluya vəzifə verilmədi, daxili işlər naziri vəzifəsinə təyin edilən İstanbul qubernatoru Ali Yerlikaya mafiyalara qarşı kəskin mübarizəyə başladı. Bunun nəticəsində indiyə qədər İnterpolun qırmızı bülletenlə axtardığı təxminən 20 mafiya lideri yaxalanıb. Bundan əlavə, Ali Yerlikayanın nazir olduğu son 10 ayda Türkiyədə rəsmi icazəsiz yaşayan yüz minlərlə əcnəbi deportasiya edilib. Daxili işlər naziri Yerlikayanın mafiyalara və qeyri-qanuni təşkilatlara qarşı apardığı mübarizə araşdırıcı-yazar Timur Soykanın “Baron istilası” kitabında təsvir etdiyi bir çox hadisəni təsdiq edir.
Timur Soykanın “Baron istilası” kitabının ışıq üzü görməsindən sonar Turan İnformasiya Agentliyinə açıqlama verən “Kırmızı kedi” nəşriyyatının sahibi Haluk Hepkon deyib: “Ölkəmizin demokratikləşməsi baxımından qeyri-qanuni strukturlara və şəxslərə qarşı qanuni çərçivədə aparılan mübarizəni hamımız dəstəkləmək məcburiyyətindəyik. “Kırmızı kedi” öz qələmilə bu mübarizəyə dəstək verən hər bir araşdırıcı-yazara öz qapılarını həmişə açıb. Timur Soykanın kitabı bu mübarizəyə verilmiş önəmli töhfələrdən biridir. Keçən il araşdırıcı-yazarlar Barış Terkoğlu və Barış Pehlivanın o vaxtkı daxili işlər naziri Süleyman Soylunun qeyri-qanuni işlərinə həsr etdikləri “SS” kitabını çap etmişdik. Bu sahədə obyektiv kitab yazan hər bir araşdırıcı-yazara bundan sonra da qapılarımız açıq olacaq”.
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz