Bu həftə ərzində Dram Teatrının yuxarı hissəsində yerləşən köhnə tikililərin olduğu məhəllələrdəki memarlıq binalarının sökülməsi işləri sürətləndirilib.
Belə ki, bir neçə gün öncə 19-cu əsrə aid üçmərtəbəli bina sökülüb. Tanınmış aktyor Abbas Mirzə Şərifzadə vaxtilə orada yaşayıb.
Bundan öncə isə Dram Teatrından yuxarıda Mirzə Ağa Əliyev küçəsində modern üslublu memarlıq binası sökülüb.
Bu gün – mayın 20-dən başlayaraq qarşı tərəfdəki üçmərtəbəli füsunkar memarlıq binasının söküntüsünə başlanılıb.
Bundan öncə şəhər hakimiyyəti bildirmişdi ki, həmin ərazidəki 30-a yaxın memarlıq binası saxlanılacaq. Lakin həmin binaların siyahısı və hansı yolla saxlanılacağı açıqlanmamışdı.
Hələ ki köhnə Bakı öz simasının və mədəni irsinin bir hissəsini itirməkdə davam edir.02В-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz