maliyye.gov.az
Azərbaycan BVF-nin köməyinə ehtiyac duyur
Cümə axşamı maliyyə naziri Samir Şərifov Beynəlxalq Valyuta Fondu (BVF) ilə Azərbaycan hökuməti arasında IV Maddə üzrə Mohammed Əl-Qorçinin rəhbərlik etdiyi məsləhətləşmələr missiyasını qəbul edib.
Missiya ilə görüşdən sonra Samir Şərifov jurnalistləri əmin edib ki, Azərbaycan hökuməti BVF-dən borc almaq niyyətində deyil. İlin əvvəlində “Faynenşel Tayms”, “Blumberq” agentliyi kimi KİV-lər Azərbaycanın BVF-dən borc istədiyini yazmışdı.
Söhbət 4 mlrd dollardan gedir, bunun 3 mlrd-ı Dünya Bankından istənilir.
«Nazirlik beynəlxalq maliyyə institutları ilə kömək məsələsini müzakirə edir, bank sektoru ilə bağlı vacib qərarlar qəbul edir. Biz özümüz başqa dövlətlərə borc veririk. Kimsə buna başqa cür baxırsa, bunu etika ilə bağlayıram. Azərbaycan BVF-də iştirak edir ki, istənilən vaxt müraciət edə bilsin. Hər hansı paketdən söhbət gedə bilməz», deyə Samir Şərifov bildirib.
Yanvarın 29-u – fevralın 3-də Mohammed Əl-Qorçinin rəhbərlik etdiyi nümayəndə heyəti Bakıda olub və məlumat verib ki, "yaxın vaxtlarda hakimiyyət ciddi problemlərlə üzləşəcək, iqtisadi artım və tədiyə balansı təzyiqə məruz qalacaq. Amma müvafiq tədbirlər görülsə, bunun qarşısını almaq olar. Tədbirlərin prioritetləri çoxillik fiskal konsolidasiya, pul siyasətinin möhkəmləndirilməsi, çevik mübadilə məzənnəsinə keçid, iqtisadiyyatın şaxələndirlməsi üçün struktur islahatlarının aparılmasıdır.
BVF hökumətin 2016-cı ildə dövlət investisiyalarının daha da azaltmaq niyyətini dəstəkləyib və siyasi dialoq və texniki köməyi gücləndirməyə razı olub.
Turan-ın məlumatına görə, Azərbaycanla 2016-2020-ci illərdə tərəfdaşlıq üzrə çərçivə sənədinə əsaslanır. O, 21 iyul 2015-ci ildə DB-nin Direktorlar Şurasında təsdiq edilib, 4 avqustda dərc olunub. CPF DB-nin bölmələri - Beynəlxalq Yenidənqurma və İnkişaf Bankı (IFC) və Çoxtərəfli İnvestisiya Zəmanətləri üzrə Agentliyin Azərbaycanda özəl sektorun davamlı, inklüziv inkişafına dəstək əməliyyatlarını tənzimləməlidir.
Çərçivə sənədi DB və BVF Azərbaycanın maliyyə sektorunun sabitliyinin qiymətləndirilməsi (FSSA) tərtib ediləndən sonra (2-17 mart 2015, devalvasiyadan sonra) qəbul edilib.
Turan mənbələrə istinadən bildirir ki, hökumət maliyyə yardımı almaq üçün zəmanət ala bilməyib. Hakimiyyət ilk növbədə qeyri-neft sektoruna iri investisiyalar cəlb etmək istəyir. Amma belə kapital zəmanət tələb edir. İndiki siyasi sistem bütün sahələrə şaquli nəzarət, qeyri-azad məhkəmə sistemi, vətəndaş cəmiyyəti və KİV-ə qarşı repressiyalar, şəffaflığın olmamamsı şəraitində belə zəmanət verə bilmir. Beynəlxalq institutlar məhz bu məsələlər üzrə danışıqlar aparır. Onların həlli Azərbaycana investisiya axını üçün həlledicidir. Hökumət 10 mlrd, ən yaxşı halda 20-30 mlrd investisiya istəyir, deyə agentliyin mənbələri bildirir.
Bu ilin aprelində BVF 2016-cı il üçün Azərbaycan üzrə proqnozunda 3% ÜDM azalması, 12,8% inflyasiya, ÜDM-in 0,2%-i qədər tədiyə balansı kəsiri vəd edib.
Turan-ın məlumatına görə, DB hazırda Azərbaycanda 51 layihəyə $3,6 mlrd kredit ayırıb. Bunun 35-i başa çatıb. BVF 2009-cu ilə kimi 363 mln kredit ayırıb. Sonra maliyyələşmə Azərbaycanın təşəbbüsü ilə dayandırılıb. O, hesab edib ki, bu təşkilatın tövsiyələrinə ehtiyacı yoxdur. 2013-cü ildə hökumət BVF-nin Beynəlxalq Bankda təhlükəli vəziyyət barədə xəbərdarlığını inkar edib. BVF bunun bütövlükdə bank sistemində sabitliyə təhlükə olduğunu bildirirdi və bu, 2015-ci ildə baş verdi.—0-
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz