Рустам Ибрагимбеков
Bakı/01.06.19/Turan: İyunun 4-də Bakıda Azərbaycan Kinematoqrafçılar İttifaqının (AKİ) İdarə Heyətinin iclası keçiriləcək. İclas AKİ sədri Rüstəm İbrahimbəyovun sədrliyi ilə keçiriləcək.
AKİ-nin məlumatında bildirilir ki, iclasda AKİ-nin XI qurultayına hazırlıq məsələləri müzakirə olunacaq, qurultayın gündəliyi və keçirilmə yeri müəyyənləşdiriləcək. Gündəliyə bədii, sənədli, animasiya filmləri istehsalının vəziyyəti, kino təhsilinin inkişafı, kino yayımı problemləri və kinonun inkişafı konsepsiyasının müzakirəsi də daxildir.
İclas saat 16:00-da Həsən Seyidbəyli küçəsi, 18 ünvanında AKİ-nin binasında keçiriləcək.
Tədbirin rəsmi hissəsi mətbuat nümayəndələri üçün açıq olacaq. İştirak etmək istəyənlər akkreditasiya üçün 3 iyun saat 18:00-dək info@aki.az elektron ünvanına yaza və ya (+99412) 497-19-10, (+99470) 335-03-05 saylı nömrələrə telefon edə bilər.
Qeyd edək ki, son vaxtlara qədər R.İbrahimbəyovun Azərbaycana yolu bağlı idi. Onu nanəcib müxalifətçi, xəyanətkar adlandıraraq, ermənilərlə əməkdaşlıqda ittiham edərək barəsində xoşagəlməz ifadələr işlədirdilər. Ancaq bir neçə ay öncə ölkənin ali rəhbərliyi "qəflətən" başa düşdü ki, öz əli ilə ziyalılar arasında özünə düşmən qazanır və ictimaiyyət arasında nüfuzunu itirir.-02D-
Mədəniyyət
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
Rəy yaz