Şəkinin tarixi hissəsi UNESCO Ümumdünya İrs Siyahısına daxil edilib
Баку/07.07.19/Turan: Şəkinin tarixi hissəsi Xan Sarayı ilə birlikdə UNESCO-nun Ümumdünya İrs Siyahısına daxil edilib. Bu qərar iyulun 7-də Bakıda keçiriliən UNESCO-nun Ümumdünya İrs Komitəsinin 43-cü sessiyasında qəbul edilib.
Təşkilatın məlumatında deyilir ki, Şəki şəhəri Böyük Qafqazın ətəyində yerləşir. Şəhərin mərkəzi hissəsi 18-ci əsrdə baş vermiş daşqından sonra bərpa edilib.
Köhnə şəhər hündür qülləli çatıları olan evlərin ənənəvi memarlıq ansamblı ilə xarakterizə olunur. Mühüm tarixi ticarət yolları boyunca yerləşən Şəkinin arxitekturasına Səfəvilər, Qacarlar və Rusiya tikinti ənənələri təsir göstərib. Şəhərin şimal-şərqində yerləşən Xan Sarayı və bir sıra ticarət evləri 18-ci əsrin sonundan 19-cu əsrə qədər ipəkçilik və barama qurdu ticarətindən yaranan zənginliyi əks etdirir", - təşkiların pres-relizndə deyilir.
Şəki Xan Sarayı divarları ilə əhatə olunan ikimərtəbəli binadır. Saray altı otaq-zal, dörd dəhliz və iki aynalı balkondan ibarətdir.
Binanın üslubu o zamanın Qafqaz memarlığının yerli ənənələrini, eyni zamanda islam memarlığının ən yaxşı nümunələrini özündə birləşdirib.
Şəki Bakının 400 km. şimal-qərbində yerləşir.
Xatırladaq ki, bundan öncə Bakının tarixi mərkəzi - Şirvanşahlar sarayı ilə birlikdə Qədim Bakı Qalası və Qız Qalası, Qobustan qoruğu qaya rəsmlərinin mədəni landşaftı UNESCO Ümumdünya İri Siyahısına daxil edilib.-06D--
-
- Böyük Şərq
- 7 İyul 2019 18:42
-
- Cəmiyyət
- 8 İyul 2019 10:40
Mədəniyyət
-
Azərbaycan kinosunun yeni dalğası yaranır, yerli kinematoqrafçılar müasir həyatın, müharibənin və ailənin çətinliklərini yeni perspektivlər vasitəsilə araşdırırlar. Oktyabrın 22-də Azərbaycan Kinematoqrafçılar İttifaqı "Nizami" Kino Mərkəzində "Yeni nəsil, yeni nəfəs, yeni nəzər" adlı xüsusi tədbir keçirib.
-
Tanınmış azərbaycanlı yazıçı Əkrəm Əylislinin əsərləri "Adamlar və ağaclar" trilogiyasının ingilis dilinə tərcüməsilə ABŞ-da yeni səs qazanıb. Həyəcanverici xatirələri və çox zaman mübahisəli əsərlərilə tanınan Əylisli bu topluda sovet dövründə Azərbaycan kəndindəki həyatı parlaq təsvir edir. Öz ədəbi şücaətinə görə vətənində şöhrət qazanmış müəllif son illərdə, xüsusilə, Azərbaycan-Ermənistan münasibətləri ətrafında həssas mövzuların araşdırılmasına görə sərt reaksiya ilə üzləşib.
-
Sərgidə İzmirdə sonrakı nümayiş üçün XXI əsrin unikal xalça dəsti təqdim olunacaq
-
Canlı və dinamik Bakı şəhəri bu yaxınlarda illik X Beynəlxalq Kitab Sərgisinə ev sahibliyi etdi. Uzun müddət gözlənilən bu tədbir kitab həvəskarları, nəşriyyatlar və yazıçılar üçün mühüm bir görüş nöqtəsinə çevrildi. Bir neçə gün davam edən sərgidə yerli və xarici müəlliflərin zəngin ədəbiyyat kolleksiyası təqdim olundu, eləcə də bir sıra çıxışlar, imza günləri və uşaqlar üçün maarifləndirici və əyləncəli proqramlar təşkil edildi.
Rəy yaz