Türkiyənin məşhur komediya ustası: �İncəsənətimizin lazımi səviyyəyə yüksələcəyinə inamım tamdır�

***

Turan :İstanbul bələdiyyəsinin 2019-2020-ci il incəsənət mövsümünün açılış mərasimi sizdə hansı ümidləri doğurur?

Akpınar :60 ildən bəri sənətin içində olan adam kimi bunun çox mühüm bir addım olduğunu deyə bilərəm.Yeni bələdiyyə sədrimizin sənətə verdiyi önəm də bunu göstərir.Türkiyənin 81 vilayətinin hamısında bələdiyyə teatrı yoxdur,ona görə İstanbulda olanlara daha çox yiyə durmalıyıq.Bundan sonra yazarlarla,incəsənət adamlarıyla əlaqələrin daha da gücləndiriləcəyinə inanıram.Türkiyə mədəniyyət vasitəsiylə inkişaf edəcəkdir.Teatrı xalqa çatdırmaq lazımdır.Bunun öhdəsindən gəlinəcəyinə əminəm.

Turan: Keçmiş SSRİ-də və Azərbaycanda incəsənət işləriylə yaxından maraqlandığınızı bilirik.Türkiyəni o ölkələrlə müqayisə etsəniz,nə deyə bilərsiniz?

Akpınar: Vallah,bilirsiniz ki,biz Azərbaycanla "İki dövlət tək millət"ik.Ancaq sənətin inkişafı baxımından Rusiyaya baxanda çar dövründə də sosialist inqilabından sonra da orada qibtə ediləcək işlərin həyata keçirildiyini görürük.Biz o səviyyələrə yüksələ bilmədik.Ancaq inanıram ki,bundan sonra biz də Türkiyədə o səviyyələrə çatacağıq.Hətta mənə görə,oraları özümüzə örnək kimi qəbul etməliyik.

Turan: Son illərdə sənətkarlara çox təzyiqlər göstərildi,az qala Zati-Alinizi də tuturdular...

Akpınar: Əstəğfurullah...

Turan: Hal-hazırkı vəziyyəti necə dəyərləndirirsiniz? Bələdiyyənin atmağa başladığı addımlardan ümidlisinizmi?

Akpınar: Vallah,təbii ki,ümidliyəm.Əslində ümidsiz olmaq-ən pis duyğudur.,heç vaxt ümidi itirməmək lazımdır.Ümid təkcə bizə yox,hamıya lazımdır.Hədəflər müəyyənləşdirib ona görə həmlələr etmək lazımdır.Sonuncu hədəfi daha erkən müəyyənləşdirsəniz, bəlkə daha çətin olar.Ona görə mərhələli hədəflər müəyyənləşdirmək, o hədəəf çatdıqdan sonra yeni hədəflərə doğru irəliləmək daha ağıllı iş olardı.Mən belə düşünürəm.

Turan: Türk sənətsevələri sizdən ötrü çox darıxdı.Hansı yeni tamaşalarınızı və ya filmlərinizi görə biləcəyik?

Akpınar: Vallah,mənim 79 yaşım var.Pensiyaya çıxmışam.Bildiklərimi öyrətmək üçün Okan universitetində teatr aktyorluğu dərsləri verirəm.Sənət həyatım keçmişdəki tempdə davam etməyəcək,vaxtımı daha çox tələbələrimlə keçirəcəyəm.

Turan: Yaxşı,bu böyük təcrübənizi Azərbaycanla və ya hər hansı başqa ölkə ilə bölüşmək istəyərdinizmi?

Akpınar: Bu yaşımda mənim üçün çətin olar.Ona görə buralarda qalıb təcrübələrimi tələbələrimlə bölüşməyə üstünlük verirəm.