Polad Bülbüloğlunun şair Fikrət Qocanın sözlərinə bəstələdiyi məşhur “Gəl ey səhər” mahnısının yeni ifaçısı var. Bu, ukraynalı müğənni Zlata Oqneviçdir.
“Eurovision” mahnı müsabiqəsinin bürünc mükafatçısı Zlata Oqneviçin bu mahnını ifa etməsi ideyası azərbaycanlı prodüser Ömər Əbdülkərimova məxsusdur. O, layihənin art-direktorudur.
EmpireMusicEntertainment şirkətinin məlumatında deyilir ki, bir neçə ay mahnı üzərində iş gedib. Mahnının yazılmasında simfonik orkestr, Ukrayna, Almaniya və Böyük Britaniyadan səs üzrə beynəlxalq mütəxəssislər komandası iştirak edib.
Saund-prodüser bəstəkar-aranjemançı Mixail Nekrasovdur. O 2004-cü ildə “Eurovision” müsabiqəsində birincilik qazanan Ruslananın ifa etdiyi “ Wild Dances” layihəsini hazırlayıb.
Zlata Oqneviç təklifə yaradıcı yanaşıb. O, vokal məşqləri il yanaşı Azərbaycan dilini öyrənməklə də məşğul olub.-02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz